संघीय लोकतान्त्रिक राष्ट्रिय मञ्चका अध्यक्ष सहित ९ जना घाइते

दाङको सतबरियामा भएको सवारी दुर्घटनामा परि संघीय लोकतान्त्रिक राष्ट्रिय मञ्चका अध्यक्ष लक्ष्मण थारु सहित नौ जना घाइते भएका छन् । ११ जना सवार रहेको जीप सतबरीया ९ अमिलीयमा पल्टिएको थियो । दुर्घटनामा परी लक्ष्मण थारु सहित मिनराज चौधरी र गंगाधर चौधरी गम्भीर घाईते हुनुभएको छ ।
घाईतेहरुको कोहलपुर मेडिकल कलेजमा उपचार भईरहेको छ । यस्तै सोही जिपमा सवार भानुराम चौधरी,सोनु चौधरी,गोपाल दहित, महादेब चौधरी, नारायण चौधरी, स्वमती चौधरी लगायत सामान्य घाईते भएका हरुको दाङको स्थानिय मेडीकलमा उपचार भएको प्रहरीले जनाएको छ । कपीलबस्तुबाट नेपालगञ्ज तर्फ जाँदै गरेको भे १ च १२०८ नम्बरको निजी जिपको टाय्र पम्चड हुँदा अनियन्त्रित भई पल्टेको थियो ।

Labels: नेपाली