सिंहदरबारमा बसेको केन्द्रीय राजस्व चुहावट नियन्त्रण समितिको बैठकमा उहाँले राजस्व अनुसन्धान विभागका महानिर्देशकको संयोजकत्वमा रहेको सो समतिलाई अझ प्रभावकारी बनाई राजस्व चुहावट नियन्त्रणसम्बन्धी कार्यलाई परिणाममुखी बनाउन निर्देशन दिनुभएको हो । सशस्त्र प्रहरी बल र नेपाल प्रहरी दुवैले आफ्ना मातहतका सबै निकायलाई राजस्व चुहावट नियन्त्रण कार्यलाई प्राथमिकता दिई कार्यसम्पादन गर्नुपर्नेमा जोड दिँदै अर्थमन्त्री पुनले सुनको आयात तथा बजार व्यवस्थापनमा देखिएको समस्यामा विशेष निगरानी र नियन्त्रण गर्न अन्तर्राष्ट्रिय विमानस्थल भन्सार कार्यालय तथा तातोपानी भन्सार कार्यालय र नेपाल प्रहरी एवम् स्थानीय प्रशासन सजग गराउनुपर्नेर् बताउनुभयो ।

बैठकमा मदिरा तथा सूर्तीजन्य वस्तुको बिक्री तथा कारोबारलाई व्यवस्थित गर्न घरेलु मदिराको उत्पादन तथा बिक्रीलाई नियन्त्रण गर्ने र तोकिएको स्थानमा मात्र इजाजत लिई यस्ता वस्तुहरूको कारोबार गर्न पाउने व्यवस्था मिलाउनुपर्नेमा उहाँले जोड दिनुभयो । रासस