कृषिमा व्यवसायिकरण, खाद्य सुरक्षा र आय आर्जन भन्ने नाराका साथ आजदेखि पाँचौ राष्ट्रिय कृषि मेला सुरु हुँदैछ ।

काठमाडौंको भृकुटिमण्डपमा सञ्चालन हुने मेलाको आज दिउँसो प्रधानमन्त्री डाक्टर बाबुराम भट्राईले उद्घाटन गर्नुहुनेछ ।

नेपाल उद्योग बाणिज्य महासंघको आयोजनामा ३ दिनसम्म चल्ने मेलामा ४० भन्दा बढि जिल्लाका १ सय ५० वटा स्टलहरु रहनेछन् ।

मेलामा काठमाडौंमा पहिलोपटक रेन्बो ट्राउट माछाको प्रदर्शन तथा कृषि नीति तथा कृषिमा निजी क्षेत्रको भुमिका सम्बन्धि कार्यशाला गोष्ठि लगायतका कार्यक्रम हुने छ ।