बिरामी बोक्ने एम्बुलेन्सको दुरुपयोग गर्दै भन्सार छलेर सामान ल्याउने गरेको फेला परेको छ । यहाँस्थित नोबल मेडिकल कलेजको एम्बुलेन्समा भन्सार छलेर ल्याउँदै गरेको लाखौं मूल्यका सामान प्रहरीले बिहीबार बरामद गरेको छ ।

इलाका प्रहरी रानीले भारतबाट अस्पतालका लागि भन्सार छलेर ल्याइएका मेडिकल सामानसहित एम्बुलेन्स बरामद गरेको हो । बरामद गरिएका सामानमा औषधि, सजिर्कलका १४ कार्टुन समान र महगा उपकरणसमेत रहेको प्रहरीले जनाएको छ ।

उपकरणको प्राविधिक मूल्यांकनबिना यकिन मूल्य बताउन कठिन हुने प्रहरीले जनाएको छ । जोगबनीबाट विराटनगर आउँदै गरेको को१च ४९३२ नम्बरको एम्बुलेन्सले को२प ५५२४ नम्बरको मोटरसाइकललाई ठक्कर दिएर भाग्दै गर्दा प्रहरीले पछ्याएर नियन्त्रणमा लिएपछि सामान ल्याउदै गरेको रहस्य खुलेको हो ।