पत्रकारहरू एकजुट भए पछि निशाले बाध्य भएर केहि बेरमा स्टेजमा गएर माफी त  मागिन्    

  " तर कत्रो हिम्मत निशाको"

नायिका निशा अधिकारीले फिल्मीखबरकर्मी माथी दुर्व्यवहार गरेकी छिन् । चलचित्र लुटले ५१ दिन मनाएको अवसरमा बिहिबार राजधानीमा आयोजित एक बिशेष कार्यक्रममा आफ्नो फोटो खिचेको निहुमा निशाले फिल्मीखबर डटकमका प्रतिनिधी अनुप भट्टराई माथी दुर्व्यवहार गरेकी हुन् ।

कार्यक्रममा बिराज भट्टसँग बसे पछि साहाना बज्राचार्यसँग गएर बसेकी निशाको तस्विरलाई आफ्नो क्यामेरामा कैद गर्न खोज्दा उनले भट्टराईले बोकेको क्यामेरा खोस्दै दुर्व्यवहार गरेकी हुन् । निशाले क्यामेरा खोस्न थाले पछि कार्यक्रममा उपस्थित पत्रकारहरूले उनको बिरोध गर्न थाले पछि केहि बेरमा स्टेजमा गएर माफी पनि मागिन् । यसरी एउटा पत्रकारको क्यामेरा खोस्नु राम्रो नभएको भन्दै पत्रकारहरू एकजुट भए पछि निशाले बाध्य भएर माफी माग्नु परेको थियो ।

निशाले गरेको यस किसिमको दुर्व्यवहार प्रति फिल्मीखबर डटकम घोर भर्त्सना गर्दछ र यो घटनाको छानबिन गर्दै प्रेस स्वतन्त्रता माथी गरिएको दुर्व्यवहारको उचित मूल्याङ्कन गरेर दोषीलाई कारवाहीको दायरामा ल्याउन सम्बन्धित निकायलाई बिनम्र अनुरोध पनि गर्दछ ।