अकला उच्च माध्यमिक विद्यालयबाट यसबर्षको एसएलसी परीक्षामा सहभागि धुवाकोट ३, अधिकारी थोककी १८ बषिर्या अम्बिका संग्रौलासँग २४ बषिर्य राजुले बैशाख ३१ गते विवाह गरेका थिए । ‘विवाहकै भोलिपल्ट आधाभन्दा बढी अभिभावकले विद्यालय छोड्न दवाव दिए, अन्तरजातीय विवाह गर्नु अपराध नभएको भन्दै आफु राजीनामा नदिने अडानमा छु,’ राजुले भने ।

विद्यालयमा हाजिर भए आक्रमण गर्ने अभिभावकको दम्की पछि विद्यालय प्रशासनले उनलाई १५ दिनको विदा समेत मिलाएको थियो । १५ दिन भित्रमा पनि विवाद मिल्न नसकेपछि विद्यालयले पुन बिहीबार र शुक्रबार पनि विदा दिएको विद्यालयका प्रधानाध्यापक शंकरराज कँडेलले जानकारी दिनुभयो ।

उनलाई हटाउन २ सय ५१ गाउँलेको हस्ताक्षर समेत विद्यालयमा बुझाईसकिएको  छ ।