बलिउड अभिनेत्री कटरिना कैफको फिल्मी करिअर ग्राफ जस्तै गरी उकालो लागिरहेको छ । तर उनको निजि जिन्दगीमा भने उतारचढाव आइरहन्छ । सलमान खानसँगको ब्रेकअप पछि रणवीर कपूरसँग नजिकिएकी कटरिनाको सम्बन्ध कपूरसँग पनि धेरैदिन टिक्न सकेन । जो सँग पिरती गाँसेपनि धेरै नटिक्ने भएपछि कटरिनालाई पीर पर्नु स्वभाविकै हो ।

तर उक्त शोकलाई शक्तिमा बदल्दै उनले आफ्नो फिल्मयात्रामा सफलता प्राप्त गर्दै गइरहेकी छिन् । पछिल्लो दिनमा कटरिना पूर्वप्रेमी सलमान खानसँग फेरी लहसिन थालेको चर्चा समेत गाइँगुइँ चल्ने गरेको छ । धेरैले सलमान र कटरिना अब एक हुँदैछन् भन्ने पनि हल्ला चलाएका छन् । तर कटरिनाले भने यस्तो हल्लाको खण्डन गरेकी छिन् ।

सूत्रका अनुसार कटरिनाले अब प्रेमको चक्करमा नफस्ने संकल्प गरिसकेकी छिन् । उनी आफ्नी आमाले खोजिदिएको केटासँग मागी बिहे गर्ने सुरमा छिन् न की आफै केटो खोजेर । उनले आमालाई आफ्नो लागि केटा खोज्न समेत भनेकी छिन् । साथै कटरिनाले अब फिल्म लाइनका कोहीपनि पुरुषसँग आवश्यकता भन्दा बढि नजिक नहुने प्रण समेत गरेको बुझिएको छ । हेरौँ अब कटरिना आफ्नो प्रतिज्ञामा कतिसम्म अडिग रहनेहुन् । हाम्रो त शुभकामना नै छ की कटरिनाकी आमाले छिटै उनका लागि राजकुमार भेट्टाइहालुन् ।

by;onlinekhabar.com