एसएलसी परीक्षाको पहिलो दिन म्याग्दीमा १७ परीक्षार्थी अनुपस्थित 
आजदेखि सुरु भएको एसएलसी परीक्षाको पहिलो दिन अनिवार्य अङ्ग्रेजी विषयको परीक्षा म्याग्दीमा शान्ति पूर्णरुपमा सकिएको छ । म्याग्दीमा नियमिततर्फ १ र एक्जेम्टेडतर्फ १६ जना गरि १७ जना परीक्षार्थीहरु अनुपस्थित भएको जिल्ला शिक्षा कार्यालय म्याग्दीले जनाएको छ । जिल्लामा कुल २ हजार एकसय ३२ जना विद्यार्थी थिए ।

एसएलसीको पहिलो दिनमै सल्यानमा तीनजना परीक्षार्थी कारवाहीमा 
एसएलसी परीक्षाको पहिलो दिन आज सल्यानमा तीनजना परीक्षार्थी कारवाहीमा परेका छन् । शङ्खमुल उच्च माविमा रहेको परीक्षा केन्द्रबाट अमर्यादित क्रियाकलाप गरेको भन्दै तीनजना परीक्षार्थीलाई कारवाही गरिएको हो । उपसचिव भगवान पौडेलसहितको टोलीले अनुगमन निरीक्षणको क्रममा चिट फेला पारेपछि उत्तर पुस्तिका नियन्त्रणमा लिइएको केन्द्राध्यक्ष जितबहादुर भण्डारीले जानकारी दिनुभयो । अन्य परीक्षा केन्द्रमा भने आजको परीक्षा शान्तिपूर्ण रूपमा सम्पन्न भएको जिल्ला शिक्षा अधिकारी रामवन्धु सुवेदीले जनाउनुभयो

गार्ड खटिएका एक शिक्षक निष्कासन 
आजबाट सुरु भएको एसएलसी परीक्षामा चिट चोराएको आरोपमा भोजपुरको उत्तरी कुदाककाउले केन्द्रमा गार्ड खटिएका एक शिक्षकलाई निष्कासन गरिएको छ । आज भएको अङ्ग्रेजी विषयको परीक्षामा चिट चोराउँदै गरेको अवस्थामा जिल्ला शिक्षा कार्यालयबाट खटिएको अनुगमन टोलीले फेला पारी ति शिक्षकलाई निष्कासन गरेको हो । निष्कासनमा परेका शिक्षकलाई शिक्षा ऐनअनुसार कारवाही गरिने जिल्ला शिक्षा अधिकारी योगराज भट्टराईले जानकारी दिनुृभयो । कुदाककाउले केन्द्रमा बाहेक अरु सबै केन्द्रमा मर्यादित रुपमा परीक्षा सम्पन्न भएको जिल्ला शिक्षा अधिकारीले जानकारी दिनुभएको छ । भोजपुरमा यस वर्षको एसएलसीमा नियमित र आंशिक दुवैतर्फ गरी ५ हजार ८९ जना विद्यार्थी सामेल भएका छन् भने १८ वटा केन्द्र निर्धारण गरिएको छ ।

अनियमितताको आरोपमा सर्लाहीमा एक एसएलसी परीक्षा निरीक्षक बर्खास्त ।।
अनियमितता गरेको आरोपमा सर्लाहीमा एक जना एसएलसी परीक्षा निरीक्षक कार्वाहीमा परेका छन् । सदरमुकाम मलंगवास्थित श्रीमती कृष्णादेवी उच्च मावि परीक्षा केन्द्रमा कार्यरत निरीक्षक मनोज रायलाई बर्खास्त गरिएको हो । अगर्वा उच्च माविका शिक्षक रायलाई अनियमितता नगर्न पटक पटक सचेत गराउँदा पनि अटेर गरेपछि हेटौडाबाट आएको क्षेत्रीय शिक्षा निर्देशनालयको टोलीले बर्खास्त गरेको जिल्ला शिक्षा अधिकारी राजकुमार विश्वकर्माले जानकारी दिनुभयो । यो घटनाबाहेक सर्लाहीका अरु सबै परीक्षा केन्द्रमा शान्तिपूर्ण रुपमा आज पहिलो दिनको एसएलसी परीक्षा सम्पन्न भएको उहाँले बताउनुभयो । उहाँका अनुसार सर्लाहीमा ३० वटा परीक्षा केन्द्र निर्धारण भएका छन् । जिल्लाका कूल १० हजार ५ सय परीक्षार्थीले एसएलसी दिइरहेका छन्

एसएलसीका बेला बिजुली नहँुदा घुर्काैलीका विद्यार्थी मर्कामा
एसएलसी परीक्षाका बेला गाउँमा बिजुली बन्द भएपछि सर्लाहीको घुर्काैली वडा नम्बर ४ का विद्यार्थी मर्कामा परेका छन् । स्थानीयका अनुसार घुर्काैली ४ स्थित चोकमा रहेको ट्रान्सफर्मर् बिग्रिएका कारण १० दिनेदेखि डेढ सय घरधुरीमा विद्युत अवरुद्ध भएको हो । पढ्नुपर्ने बेला बिजुली बाल्न नपाउँदा आफूहरुको पढाईमा बाधा पुगेको एसएलसीमा सहभागी स्थानीय परीक्षार्थीले गुनासो गरेका छन् । बिग्रिएको ट्रान्सफर्मर मर्मतका लागि प्राधिकरणले बल्ल आज लगेको तर कहिले बनाएर ल्याउने भन्ने कुनै निश्चित नभएको स्थानीय पवन खरेलले जानकारी दिनुभयो ।

चिट चोर्न नपाएपछि विद्यार्थी फर्किए ।।
परीक्षामा चिट चोरेरै भएपनि एसएलसी उत्तीर्ण गर्ने उद्देश्य लिएर बाहिरी जिल्लाबाट आएका सयभन्दा बढी विद्यार्थी त्यसै फर्किएका छन् । जसरी पनि परीक्षामा उत्तीर्ण गराउने भन्दै मोटो रकम लिएका ठेकेदार परीक्षाको मुखमा सम्पर्कविहीन भएपछि परीक्षा दिन आएकाहरु निन्याउरो मुख लगाउँदै घर फर्किन बाध्य भएका छन् । चितवन र मकवानपुरका गरी सयभन्दा बढी विद्यार्थीहरू आफू ठगीमा परेको भन्दै घर फर्किका हुन् । मकवानपुर र चितवनमा रहेका कोचिङ सेन्टर तथा ती सेन्टरमार्फत् सम्पर्क गराइएका दलालले प्रति विद्यार्थी १५ देखि २८ हजारसम्म असुलेर एसएलसी उत्तीर्ण गराउने ठेक्का लिएर रौहतट ल्याएका विद्यार्थी यसरी ठगीमा परेका हुन् ।

 विघठित प्रतिनिधिसभामा प्रतिनिधित्व नभएका ४३ राजनीतिक दलहरुको मोर्चा सर्वदलीय राजनीतिक गठबन्धनले पनि प्रधानन्यायधिसको नेतृत्वमा चुनावी परिषद गठन गर्ने दलहरुको निर्णय र राष्ट्रपतिको समर्थनप्रति आपत्ति प्रकट गरेको छ ।
बहुजातीय समावेशी पार्टी, राष्ट्रिय एकता मञ्च, नेपाल समावेशी पार्टी लगायतका ४३ दलको गठबन्धनले विहीबार एक विज्ञप्ति निकालेर प्रधानन्यायधिसलाई प्रधानमन्त्री बनाएर अन्तरिम संविधान २०६३ को औचित्य समाप्त पारेको दावी गर्दै मुलुक चार दलको अधिनायकबादी सिण्डिेकेटको बन्धक बनेको आरोप गाएका छन् ।
यो निर्णयलाई नेपाली राजनीतिक र संबैधानिक ईतिहासकै कालो घटनाको रुपमा स्मरण गर्दै नउीहरुले त्यसप्रति गंभिर आपत्ति प्रकट गर्दै त्यसका विरुद्धमा संघर्षमा उत्रन आब्हान समेत गरिएको छ ।
उनीहरुले मुलुकमा संबैधानिक निकाय उपराष्ट्रपति र राष्ट्रपति मात्रै रहेको अवस्थामा उपराष्ट्रपतिको नेतृत्वमा चुनावी सरकार गठन गर्न आफूहरुले राष्ट्रपति र दलहरुको ध्यान आर्कषित गराएकोमा त्यसलाई बेवास्ता गरेको भन्दै आन्दोलनको चेतावनी दिएको छ ।
यता बहुजातीय समावेशी पार्टीले पनि आज छुट्टै विज्ञप्ति निकालेर चार दल, राष्ट्रपति र प्रधानमन्त्री खिलराज रेग्मी यूरोपियन यूनियन, अमेरिका र भारतको दलाल बनेको आरोप लगाउँदै उनीहरुलाई सार्वजनिक बहिस्कारगर्न आब्हान गरेको छ । अध्यक्ष शंकर थापाद्धारा जारी विज्ञप्तिमा आजको दिनलाई नेपाली ईतिहासकै काले दिनको संज्ञा दिदै यसका विरुद्ध आन्दोलनमा उत्रन सबैसँग आग्रह गरिएको छ ।

प्रधान न्यायाधीश खिलराज रेग्मीलाई राष्ट्रपति रामवरण यादवले अन्तरिम चुनावी मन्त्रिपरिषद्को अध्यक्षका रुपमा पद तथा गोपनीयताको शपथ लिएका छन्। यसअघि राष्ट्रपति रामवरण यादवले नेपालको अन्तरिम संविधान, २०६३ को धारा १५८ अनुसार बाधा अड्काउ फुकाई संविधानको धारा ३८ (१) बमोजिम रेग्मीलाई अन्तरिम चुनावी मन्त्रिपरिषद्को अध्यक्षका रुपमा नियुक्त गरेका थिए।           रेग्मी नेतृत्वमा थप दुई जना मन्त्री बनेका छन्। माधवप्रसाद घिमिरेलाई गृह तथा परराष्ट्रको जिम्मेवारी दिइएको छ भने हरिप्रसाद न्यौपानेलाई कानुन न्याय, संसदीय व्यवस्था, संविधान सभा तथा श्रम तथा रोजगार मन्त्रालयको जिम्मेवारी दिइएको छ।

विश्व मिर्गौला दिवस स्वास्थ्यका क्षेत्रमा क्रियाशिल विभिन्न संस्थाहरुले कार्यक्रमको आयोजना गरेका छन् । जीवनका लागि मृगौला उपचार भन्ने नाराका विश्व मिर्गौला दिवस मनाउन लागिएको हो । नेपालमा सन २००६ सालदेखि मात्रै यो दिवस मनाउँदै आइएको छ । मानव शरीरको महत्वपूर्ण एवम् संवेदनशील अङ्ग मिर्गौलाको समयमै पहिचान र उपचारमा हेलचेक्र्याइँ गरेकै कारण समस्या बढ्दै गएको छ । मिर्गौला रोग कम गर्न, धूमपान र मध्यपान नगर्ने, तौल बढ्न नदिने, पानी बढी पिउने, १५ मिनेट बिहान हिँड्डुल गर्ने, स्वस्थकर खाना खाने, समयमै सुत्नेबानी गर्नाले यसको जोखिम कम गर्न सकिने वरिष्ठ मिर्गौैला रोग विशेषज्ञ ऋषिकुमार काफ्लेको भनाई छ । पछिल्लो जनगणनाअनुसार कूल जनसङ्ख्याको १० प्रतिशत अर्थात् २६ लाख मानिस मिर्गौला रोगको जोखिममा छन् ।

यसबर्षको प्रवेशिका परिक्षा एसएलसी आजबाट सुरु भएको छ । केहीबेर अघिबाट सुरु भएको परिक्षामा नियमिततर्फ चार लाख ३० हजार ९७ र एक्जेम्टेडतर्फ एक लाख १७ हजार ६८ गरी कूल  ५ लाख ४७ हजार १ सय ६५ परिक्षार्थी सामेल भएका भएका छन् । आज पहिलो दिन अनिवार्य अग्रेजी विषयको परिक्षा भइरहेको छ । देशभर परिक्षा सञ्चालनका लागि एक हजार ७ सय ८६ परिक्षा केन्द्र तोकिएका छन् । देशभर परिक्षालाई मर्यादित बनाउन सुरक्षा व्यवस्था मजबुद पारिएको परिक्षा नियन्त्रण कार्यालयले जनाएको छ । आजबाट सुरु भएको परिक्षा चैत ९ गतेसम्म सञ्चालन हुनेछ । परिक्षाको मर्यादा विपरित काम भए त्यस्ता व्याक्तिलाई १ लाख जरिवाना र ६ महिना सम्मको कैदको व्यवस्था गरिएको छ । एक परिक्षार्थीको सट्टा अर्कोले परिक्षा दिए  २ बर्षसम्म परिक्षाबाट बन्चित गरिने परिक्षा नियन्त्रण कार्यालयले जनाएको छ ।


सिन्धुलीबाट ५ हजारभन्दा बढीले एसएलसी दिँदै 
आजदेखि एसएलसी परिक्षा सुरु भएको छ । यसपाली सिन्धुलीवाट  ५ हजार ९ सय ३२ जनाले एसएलसि परिक्षा दिँदै छन् । यसका लागि जिल्लामा २१ वटा परिक्षा केन्द्र, २१ जना केन्द्राध्यक्ष र २१ जना सहायक केन्द्राध्यक्ष तोकिएको छ । साथै उत्तिकै संख्यामा निरिक्षकहरु पनि खटाइएको छ । शान्तिपूर्ण तरिकाले परिक्षा सम्पन्न गराउन प्रत्येक केन्द्रमा सुरक्षा व्यवस्था कडा पारिएको जिल्ला प्रशासन कार्यालयले जनाएको छ । परिक्षालाई व्यवस्थित गराउन जिल्ला शिक्षा कार्यालय र परिक्षा समन्वय समितिले निरन्तर अनुगमन गर्ने हिजो  पत्रकार सम्मेलनमा जानकारी गराइएको छ । एसएलसि परिक्षा व्यवस्थित र मर्यादित रुपमा सम्पन्न गराउन जिल्लाका सम्पुर्ण राजनीतिक दल, समाजसेवी, वुद्धिजिवी, शिक्षक, कर्मचारी लगायत सम्पूर्णलाई  जिल्ला शिक्षा कार्यालयले आग्रह समेत गरेको छ । साथै परिक्षार्थीहरुलाई निडर र शान्तिपुर्ण तरिकाले परिक्षा दिन पनि कार्यालयले अनुरोध गरेको छ ।

चितवनबाट १२ हजार २ सय ७६ विद्यार्थी सहभागी
आजबाट सुरु भएको एस एल सी परीक्षामा चितवनबाट १२ हजार २ सय ७६  परीक्षार्थी सामेल भएका छन् । नियमित तर्फ १० हजार ४ सय ७६ र आंशिक तर्फ १ हजार ८ सय परिक्षार्थी सहभागी हुने जिल्ला शिक्षा कार्यालय चितवनले जनाएको छ । परीक्षाका लागि ३८ वटा परिक्षाकेन्द्र रहेका  छन् । एसएलसी दिनेमा चारजना दृष्टिबिहीन छन् ।  शिविरमा रहेका माओवादी लडाकु सेनामा समायोजनका क्रममा बाहिरिएपछि यस वर्ष चितवनमा एसएलसीको परीक्षा केन्द्र २ वटा घटेका छन्  । यसैबीच चितवनमा रजिष्ट्रेसन फारम भरेका ३ सय ८ जना विद्यार्थीहरु परीक्षाबाट बन्चित भएका छन् । शिक्षा नियमावली अनुसार कक्षामा ७५ प्रतिशत हाजिरी नभएका विद्यार्थीहरु रहेकाले उनीहरुले परिक्षा दिन नपाएका हुन्। नियमीततर्फ १० हजार ७ सय ८४ जना विद्यार्थीले फारम भरेको भए पनि मापदण्ड पुगेका १० हजार ४ सय ७६ परीक्षार्थीलाई मात्रै परिक्षामा सहभागि गराईएको शिक्षा कार्यालयले जनाएको छ ।

कास्कीबाट  १० हजार ९ सय ४७  विद्यार्थी एसएलसीमा सहभागी 
आज बाट शुरु भएको प्रवेशीका एस एलसी परिक्षामा कास्कीबाट १० हजार ९ सय ४७  जना विद्यार्थी सहभागी भएका छन् । विहान ८ बजे बाट शुरु भएको परिक्षामा आज पहिलो दिन विद्यार्थीहरु अंगेजी विषयको परिक्षा दिदै छन् । कास्कीबाट दृष्टिविहिन १२ जना ,सुस्तश्रवणका ११ जना ,खुल्ला विद्यालयबाट ६५ जना कारागारबाट ७ जना र सुधारगृह बाट १२ जना सहभागी भएका छन् । यस्तै पश्चिमाञ्चलमा रहेका १६ जिल्ला बाट नियमित तर्फ ८३ हजार २ सय ८९ जना र एक्जाम्टेड तर्फ १७ हजार ५ सय १३ विद्यार्थी सहभागी हुने क्षेत्रीय शिक्षा निर्देशनालयले पोखराले जनाएको छ ।

काभ्रे र सिन्धुपाल्चोकमा पत्रकारलाई एसएलसी परीक्षा केन्द्रमा प्रवेशका लागि छुट्टै पास छैन्
जिल्ला शिक्षा कार्यालय काभ्रे र सिन्धुपाल्चोकले आजबाट सुरु भएको प्रवेशिका परीक्षाका लागि जिल्लाका पत्रकारहरुलाई छुट्टै पास उपलब्ध गराएको छैन् । एसएलसी परीक्षालाई थप ब्यवस्थित र मर्यादित बनाउन पत्रकारहरुलाई परीक्षा केन्द्रमा प्रवेश र अनुगमनका लागि विशेष पासको ब्यवस्था नभएको जिल्ला शिक्षा अधिकारीहरुले बताएका छन् । एसएलसी परीक्षा अवधिभरका लागि मात्रै पत्रकार बन्ने परिपाटी फस्टाउन थालेपछि परीक्षा समितिको बैठकले नै पत्रकारहरुका लागि पास नदिने निर्णय गरेको हो । नेपाल पत्रकार महासंघ काभ्रे शाखाको अनुरोधमा काम गरिरहेको सञ्चार संस्थाकै प्रेस पासको आधारमा क्रियाशिल पत्रकारहरुले सम्बन्धित केन्द्राध्याक्षाको अनुमति लिइ परीक्षा केन्द्रको अनुगमन गर्न सक्ने ब्यवस्था मिलाइएको जिल्ला शिक्षा कार्यालय काभ्रेका शाखा अधिकृत शान्तिराम पौडेलले जानकारी दिनुभयो । क्रियाशिल पत्रकारहरुलाई मात्रै परीक्षा केन्द्रको अनुगमन गर्न आफु मातहातका केन्द्राध्यक्षहरुलाई सर्कुलर गरी सकिएको सिन्धुपाल्चोकका शिक्षा अधिकारी गेहनाथ गौतमले बताउनभुयो । काभ्रेमा यो वर्ष ३९ वटा परीक्षा केन्द्र मार्फत नियमित तर्फ ८ हजार ३१ जना र एक्जाम्टेड तर्फ १ हजार २ सय ५८ गरी जम्मा नौ हजार २ सय ८९ जना परीक्षार्थीले आजको अग्रेँजी विषयको परीक्षा दिइरहेका छ । सिन्धुपाल्चोकमा नियमित र एक्जाम्टेड गरी २४ वटा केन्द्र मार्फत पाँच हजार ९ सय ७९ जना विद्यार्थीहरु परीक्षामा सहभागि छन् । काभ्रेमा एसएलसी परीक्षामा सहभागि हुने विद्यालयको संख्या बढेपनि विद्यार्थी संख्या भने गएको वर्ष भन्दा ३३ जना कम छ । यसपालिको एसएलसीमा एक सय ३८ वटा सामुदायिक विद्यालयले सात हजार २ सय ८९ जना र ६६ वटा निजी विद्यालले दुई हजार विद्यार्थी परीक्षामा सहभागिता गराएका छन् ।

प्रधानन्यायाधीश खिलराज रेग्मीलाई प्रधानमन्त्री बनाउन लागेको विरोधमा नेकपा–माओवादी सहितका २२ दलले आज विरोध प्रदर्शन गर्दैछन् । अहिले बिहान ९ बजे राष्ट्रपति कार्यालय शीतल निवास पुगि विरोध प्रदर्शन गर्ने ती दलले जनाएका छन् । प्रमुख चार शक्तिका नेताहरुले शक्तिपृथकिकरणको सिद्धान्त विपरित प्रधानन्यायाधीशलाई वाहाल रहेकै अवस्थामा प्रधानमन्त्री बनाएकाले विरोधमा उत्रिएको ती नोताहरुले जनाएका छन् । नेकपा–माओवादीका सचिव देवप्रसाद गुरुङले सपथग्रहण हुने ठाउँमै विरोध गर्ने र आजबाट सडक संघर्ष सुरु हुने सीआइएनलाई जानकारी दिनुभयो । हिजो बसेको २२ दलको बैठकले रेग्मीलाई प्रधानमन्त्री बनाउने विषयमा विरोध प्रदर्शन गर्ने निर्णय गरेको थियो ।

अन्तरिम चुनावी मन्त्रिपरिषद्को अध्यक्षका रुपमा प्रधानन्यायाधीश खिलराज रेग्मीले सथपग्रहण गर्दै हुनुहुन्छ । दलहरुको गएरातीको सहमति अनुसार आज बिहान ९ बजेका लागि सपथ ग्रहणको कार्यक्रम तय गरिएको छ । दलहरुबीच ९ बजे नै सपथग्रहणको कार्यक्रम तय गरिए पनि तयारीका लागि केही समय लाग्न सक्ने राष्ट्रपति कार्यालयले जनाएको छ । सरकार प्रमुखको जिम्मेवारी दिन लागिएका प्रधानन्यायाधीश रेग्मीलाई राष्ट्रपतिले पद तथा गोपनीयताको शपथ गराउनु हुनेछ । गएराती ११ बजे नै शपथ गराउने तयारी भए पनि अन्तिम समयमा आज बिहानका लागि सारिएको हो । आज प्रधानन्यायाधीश रेग्मीले अन्तरिम मन्त्रिपरिषद्को अध्यक्षका रुपमा सपथग्रहण गरेपछि उहाँ सर्वोच्च अदालतको जिम्मेवारीबाट निस्कृय रहनुहुनेछ । दलहरुबीच भएको ११ बुदे सहमति अनुसार रेग्मीले निजामति सेवाका पूर्व प्रशासक र स्वतन्त्र व्यक्ति रहेको ११ सदस्यीय मन्त्रिपरिषद् गठन हुनेछ । २३ वैशाख २०६८ देखि प्रधानन्यायाधीशका रुपमा कार्यरत रेग्मी पदमै रहेर मुलुकको कार्यकारी प्रमुख बन्ने नेपालकै पहिलो व्याक्ति हुनुहुन्छ । दलहरुको सहमति अनुसार रेग्मी नेतृत्वको सरकारले आगामी ७ असारभित्र संविधानसभाको निर्वाचन गर्नुपर्नेछ । रेग्मीलाई प्रधानमन्त्री बनाउन राष्ट्रपति रामबरण यादवले मन्त्रिपरिषदले सिफारिस गरेको २५ बँुदे बाधा अड्काउ फकाउ अध्यादेश स्वीकृत गरिसक्नु भएको छ । प्राविधिक कारणले  काबु बाहिरको परिस्थिति उत्पन्न भई निर्वाचन हुन नसके रेग्मी नेतृत्वको सरकारलाई आगामी मंसिर मसान्तसम्मको अन्तिम समयसीमा तोकिएको छ । तर, अर्को मिति भने उच्चस्तरीय राजनीतिक समितिको सहमतिमा मन्त्रिपरिषद्ले तय गर्ने सहमति गरेको छ ।

राष्ट्रिय मिर्गौला उपचार केन्द्र वनस्थलीले मिगौला दिवसको अवसर पारेर  चैत १ गतेदेखि विपन्न वर्गका मिगौला रोगीहरुलाई निःशुल्क डाईलोइसिस सेवा उपलब्ध गराउने भएको छ । विश्व मिगौैला दिवसको पूर्वसन्ध्यामा राष्ट्रिय मिर्गौला उपचार केन्द्रले दिनप्रतिदिन बढ्दै गएका मिर्गौला रोगीहरुको अवस्थालाई मध्यनजर गरी सेवा उपलब्ध गराउने घोषणा गरेको जनाएको छ । आज राजधानीमा आयोजित पत्रकार सम्मेलनमा गएको वर्ष केन्द्रले साढे ३६ हजार सेसन डाइलाइसिस गरेकोमा आउने वर्षदेखि वर्षको ४० हजार रोगीहरुको निशुल्क डाइलाइसिस गर्ने जानकारी पनि दिइयो । कार्यक्रममा राष्ट्रिय मिर्गौला उपचार केन्द्रका अध्यक्ष कृष्णप्रसाद आचार्यले केन्द्रले अब आप्mनै भवन निर्माण गरेर अत्याधुनिक तरिकाबाट स्तरीय सेवा दिने पनि बताउनुभयो । डाइलाइसिस गर्न महिनाको ३५ हजार खर्च लाग्ने उपचार जो कोहीले गर्न नसक्ने भएकाले मिर्गौला रोगीको सङ्ख्या घटाउन वर्षमा एक पटक आवश्यक जाँच गराउनुपर्ने सुझाव पनि कार्यक्रममा दिइयो । मिर्गौला पीडित सोनाम लामा (साथी) ले आफूले पाएको दुःख अरुले नपाउन भन्नका लागि समय समयमा रगत र पिसाब जचाउन आग्रह गर्नुभयो ।

मुख्य चार राजनीतिक दलबीच असार ७ गते भित्र निर्वाचन गर्ने भन्ने सहमति भएको छ । तर प्रधान न्यायाधीशलाई भने निर्वाचन गर्न मंसिर मसान्त भित्रको समयसीमा दिइएको छ। दलहरु प्रधान न्यायाधीशलाई आजै ११ बजे राति शपथ गराउने भन्नेमा सहमति भएको कांग्रेस नेता विमलेन्द्र निधीले बताएका छन्।उनका अनुसार नागरिकताको विषयमा भएको विवाद पनि टुंगिएको छ । जसमा जन्मसिद्धको आधारमा पाएका नेपाली नागरिकले वंशजको आधारमा पनि नागरिकता पाउने व्यवस्था गरेका छन् ।
यसैगरी मतदाता नामावलीमा भने मतदाता नामावली २०६४ लाई आधार बनाएर नागरिकता नभएकालाई पनि मतदाता नामावलीमा सुचिकृत गर्ने सहमति भएको छ

सहिद स्मारक ए डिभिजनको सुपर लिगअन्तर्गत आज नेपाल आर्मी र फ्रेन्डस् क्लबबीच प्रतिस्पर्धा हुँदैछ । आजको खेल दिउँसो ४ बजेपछि काठमाडौंको दशरथ रङ्शशालामा हुँदैछ ।  अङ्क तालिकामा आर्मी २८ अङ्कसहित दोस्रोस्थानमा रहेको छ । यसैगरी २५ अङ्क जोडेको फ्रेन्डस् सातौं स्थानमा रहेको छ । आजको खेल आर्मीका लागि उपाधि नजिक पुग्न महत्वपूर्ण सावित हुने छ । आजको खेल दिउँसो ४ बजेपछि काठमाडौंको दशरथ रङ्शशालामा हुँदैछ । कुल एक करोड ४७ लाख रुपैँया पुरस्कार राशी रहेको ३९ औं संकरणको यो खेल विजेता टोलीले ७५ लाख रुपैँया पुरस्कबार प्राप्त गर्ने छ । यस्तै दोस्रो हुनेले ३५ लाख हात पार्ने छ भने तेस्रो हुनेले १५ लाख तथा चौथो हुने टोलीले ७ लाख रुपँैया पुरस्कार हात पार्ने अखिल नेपाल फुटबल सङ्घ एन्फाले जनाएको छ ।

पोखरामा  चौथो पश्चिमाञ्चल क्षेत्रीय पुष्प व्यापार मेला आज पनि जारी रहेको छ । ‘पोखराको प्रकृति र सुन्दरतामा शान, पुष्प व्यवसायको प्रवद्र्धनमा वातावरणीय पहिचान’ भन्ने नारासहित फ्लोरीकल्चर एसोसिएशन नेपाल जिल्ला समिति कास्कीले मेला आयोजना गरेको हो । फागुन २९ गतेसम्म चल्ने मेलामा तीन सय प्रजातीका फूल र फूलका बिरुवाहरुको प्रदर्शनीमा राखिएको छ भने मेलामा १८  वटा स्टल रहेका छन् । मेलाको पहिलो दिन एक हजार दर्शकले अवलोकन गरेका छन् भने एक लाख ७५ हजार मूल्य बराबरको आर्थिक कारोबार भएको फ्लोरीकल्चर एशोसिएशन कास्की अध्यक्ष दयाकुमार द्धवाले जानकारी दिनुभयो । मेला पोखरा सभागृहमा जारी छ ।

प्रेस चौतारी नेपालको नयाँ नेतृत्व चयनका लागि विराटनगरमा जारी सातौं महाधिवेशन चुनावी प्रक्रिया सुरु भएको छ । सहमतिका लागि गरिएको प्रयास सफल नभएपछि अध्यक्ष पदमा राजेन्द्र अर्याल र विष्णु रिजालको उम्मेद्वारी परेको छ । यसैगरी वरिष्ठ उपाध्यक्ष पदका लागि शरद अधिकारी, दुर्गाप्रसाद शर्मा र प्रकाश खतिवडाको उम्मेद्वारी परेको छ । महासचिव पदमा माधव नेपाल, लक्की चौधरी र बद्री  खनालबीच प्रतिस्पर्धा हुने निश्चित भएको छ । जम्मा ५९ पदको नयाँ कार्यसमिति चयनका लागि दिउँसो साढे १ बजेदेखि ४ बजेसम्म मतदान हुने कार्यक्रम तय भएको छ । हिजोदेखि सुरु भएको महाधिवेशनको नेकपा एमाले अध्यक्ष झलनाथ खनालले उद्घाटन गर्नुभएको थियो ।

आफैले निर्माण गरेको चलचित्र ‘फेसबुक’ असफल भएपछि झरना आजकल गायब हुन थालेकी छिन । तर पछिल्लो जानकारी थाहा पाए अनुसार झरनाले आफू नयाँ घरको मर्मतमा व्यस्त भएको बताइन् । ‘फेसबुक’ चलेलगत्तै केही समय विदेशमा रहेको बताउँदै झरनाले नयाँ बर्षमा भैसेपाटीमा किनेको नयाँ घरमा सर्ने बताइन् ।काठमाण्डौको नयाँ बानेश्वरमा रहदै आएकी झरना अब भैसेपाटीमा १ बर्ष अघि खरिद गरेको करिब २ करोडको घरमा सर्दै छिन् । उनले यतिबेला आफू नयाँ घर सजाउन व्यस्त भएकाले पनि मिडियामा खासै नदेखिएको बताइन् ।श्रीमान् सुनिलकुमार थापा, एक छोरीको साथमा रहदै आएकी झरनाले नयाँ बानेश्वरको घर भने भाडामा दिने बताइन् ।  साढे २ तलाको बंगलालाई आफुले सोचेअनुसारको बनाउन व्यस्त भएको झरनाको भनाई छ ।यसअघि ५२ लाखको महंगो गाडी किनेर झरना चर्चा आएकी थिइन|

चलचित्र ‘वधशाला’ सेन्सरमै नपुगी प्रदर्शनमा रोक लागेपछि चलचित्रकर्मीले फागुन २५ लाई कालो दिनको रुपमा मनाएका छन् । काठमाण्डौको मण्डला थिएटरमा भेला भएका चलचित्रकर्मीहरुले सेन्सर नै नगरी राज्यको अर्को निकायले हस्तक्षेप गरेकोमा आपत्ती जनाए ।‘हामीले शान्ती प्रक्रिया भाड्छौ रे !’ लेखिएको कालो फेटा वाधेर चलचित्रकर्मीहरुले ‘वधशाला’ रोकको विरोध गरे । कार्यक्रममा निर्देशक यादव खरेल, हाँस्यकलाकार मनोज गजुरेल, चलचित्र प्राविधिक संघका अध्यक्ष मनोज केसी, नायिका रिमा विश्वकर्मा लगायतले सेन्सरमै नपुगी सिनेमा रोकिएकोमा विरोध गरे ।
मोहन डोटेलले निर्माण गरेको यो चलचित्रलाई मनोज पण्डितले निर्देशन गरेका हुन् । फागुन २५ अर्थात आजैका दिनबाट प्रदर्शनमा आउने भनिएको यो सिनेमालाई रक्षा मन्त्रालयको आग्रहमा संचारमन्त्रलायले रोक लगाएको थियो । चलचित्रले शान्ती प्रक्रिया भाड्छ भन्दै रक्षा मन्त्रलायले संचारमन्त्रलायलाई पत्र काटेको थियो । रक्षाको पत्र पश्चात सिनेमाका सेन्सर समेत नगरी प्रदर्शनमा रोक लगाइएको थियो ।

 नवनायिका सुरबी जैन बिष्ट यतिबेला चर्चामा छिन् ।  सिनेमा क्षेत्रमा लागेकासँग प्रेम र विवाह दुवै नगर्ने बताएकी सुरबीले गोविन्द राईले निर्देशन गरेको चलचित्र नागबेलीमा पनि अभिनय गरेकी छिन उनि संग ले गरेको यो कुराकानी ..................
मलाई पहिलेदेखि नै सिनेमा खेल्ने इच्छा थियो । बेलायतमा पढाई सकेर नेपाल आएपछि केही म्युजिक भिडियोमा काम गर्छु भन्ने थियो । तर एकाएक ‘समय’मा अफर आएपछि नाई भन्न सकिन र खेलें ।
· कस्तो पाउनु भयो त सिनेमा नगरी ?
यो क्षेत्रमा नआउँदा त मैले छ्या भन्थें । तर जब यो नगरीमा आएँ, साह्रै राम्रो लाग्यो । कम पैसा र सामान्य प्रविधिमा पनि हामी धेरै सशक्त सिनेमा निर्माण गरिरहेका छौं ।
· सिनेमामा लाग्दा परिवारबाट कत्तिको अड्चन आएको थियो ?
मेरो परिवारले म यो क्षेत्रमा आउँछु भन्ने सोचेको थिएन । तर मैले जब सिनेमा खेल्छु भने सबै अचम्ममा परें । कसैले पनि खेल भनेनन् । तर पछि मैले कन्भिन्स गराएर काम गरें ।
· ‘समय’मा कस्तो भूमिका छ ?
म कलेजमा पढ्ने बोल्ड युवतीको भूमिकामा छु । केटा र केटीबीच कुनैपनि भिन्नता नदेख्ने युवतीको भूमिका मैले निर्वाह गरेको छु ।
· ‘समय’मा त थुप्रै उत्तेजक दृश्य दिनुभएको छ, हैन ?
प्रोमोमा देखिएको दृश्य मेरो नभएर अर्को एक नायिकाको हो । तर मैले बिक्कीसँग सामान्य सिन दिएको छु ।
· त्यस्तो दृश्य दिन गाह्रो भएन रु
२० जना मानिसको अघि हात समातेर किस खान त गाह्रो हुन्छ नि । सुरुवातमा बिक्की र अर्की एक नायिकाले खुलेर टङ किस, बेड सिन दिएकाले म डराएको थिएँ । मैले पनि यस्तै दृश्य दिनुपर्ने हो की भन्ने डर मलाई थियो । तर पछि सबैले सम्झाएपयिछ अघि सरें ।
· सिनेमा हेरिसकेपछि कस्तो लाग्यो त?
म अझै पनि मेरो क्यारेक्टरमा खुल्न सक्थें जस्तो लागेको थियो । क्यामेराको एंगलका बारेमा नवुझेकाले पनि मैले ५० प्रतिशत मात्र दिन सके जस्तो लाग्यो ।
· तपाईंको ‘समय’का नायक बिक्कीसग अफेयर भन्ने सुनिन्छ नि?
त्यो एउटा हल्ला मात्र हो । किनकी सिनेमासँगै खेलेपछि, प्रमोशनमा हिँडेपछि कुरा त आइहाल्छ ।
· अफेयर चै छ कि छैन त कसैसँग ?
मेरो अहिले कसैसँग पनि अफेयर छैन । र म यो क्षेत्रको मानिससँग सम्वन्ध राख्दिन । किनकी म एकदमै नौटंकी केटी हुँ । यो क्षेत्रको मानिसले मलाई सम्हाल्न सक्दैन ।
· नौटंकी भनेको चाहिँ कस्तो हो त ?
मलाई साधारण मानिसले झेल्ने सक्छ जस्तो लाग्दैन । सिनेमा नगरीको मानिस त नौटंकी देखेर रमाइलो मान्छ । तर झेल्न सक्दैन ।
· अब कस्तो सिनेमा खेल्ने रहर हो त ?
चुलबुले भन्दा पनि सिरियस भूमिका गर्न सक्छु जस्तो लाग्छ मलाई । दिमागी रुपमा बिरामी मानिसको भूमिका गर्न मन छ ।
· आफूले आफूलाई कसरी मूल्याँकन गर्नुहुन्छ ?
म खुलेर शुरुवातमा कसैसग पनि बोल्न सक्दिन । तर जब म कसैसँग बोल्छु अरुलाई बोल्न नै दिन्न । म धेरैजसो रिजर्बमा बस्छु ।
· पहिलो प्रेम याद छ नि ?
फस्ट लभ त मेरो एसएलसी पढ्दा भयो । मेरो कक्षाको फस्ट व्याइले मलाई लभलेटर लेखेको थियो । तर त्यो लभ सामान्य रुपमा नै सकियो । केटाकेटी खेलेजस्तै भयो । एसएलसी सकिने अन्तिम दिनमा प्रपोज गर्यो, रिजल्ट आउँदा सकिएको थियो ।
· त्यसपछि कसैसँग प्रेम गरिएन?
कलेज पढ्दा एकजना केटासँग प्रेम गरें । २ बर्ष साथी भएपछि उसले प्रपोज गर्यो । तर पछि म पढ्नका लागि बेलायत पुगें । उसले यहाँ अर्कै युवतीसँग लभ गरेको सुनें । अहिले उ मैले गल्ती गरें भन्दै फोन गर्छ । तर म एकपटक धोका दिने मानिसलाई माफ गर्न सक्दिन ।
· खानेकुरा मिठो के पकाउनुहुन्छ ?
आलु परौठा, मिठो पकाउँछु ।
· कुन नायक साह्रै मन पर्छ ?
कर्मा मन पर्छ । उसको हाउभाउ, उसले एक्सप्रेस गर्ने तरीका मन पर्छ । उसँग एउटा सिनेमामा काम गर्न मन छ । तर मनैदेखि भन्दा मलाई आदित्यनारायण झासँग सिनेमामा रोमान्स गर्ने सपना छ ।
· मनपर्ने कुनै तीनजना नायक ?
सलमान खान, लिओनार्डो, जेम मलिक ।
· नेपालका तीनजना सेक्सी नायक ?
नेपालमा सेक्सी खालका नायक पनि छन् र । तर चपली हाइटका राज घिमिरे सेक्सी लाग्छ ।
· आफू चाहिँ कत्तिको सेक्सी छु जस्तो लाग्छ?
म जति मेकअप गरेपनि, जति कपडा लगाएपनि सेक्सी देखिन्न । कसैले सेक्सी भनेनन् ।
· आफनो कुन अंग सेक्सी लाग्छ?
आँखा चाहिँ एकदमै सेक्सी लाग्छ ।

अब म रक्सी पिउँदिन।' मदिरापानकै कारण मेरो वैवाहिक जीवनमा मात्र होइन सांगीतिक करियरमै नकारात्मक प्रभाव पारिरहेको थियो।उनले भनिन  गीत रेकर्डिङको क्रममा समेत मदिरापान गरेपछि गीत रेकर्डिङ गर्नै गाह्रो परेको गुनासो कतिपय संगीतकारहरुको थियो। सञ्चारमाध्यममा समेत  बारम्बार मदिरा पिएर मातेको समाचार आएपछि उनी विवादमा समेत पर्दै आएकी थिइन्।  कतिपयले उनको यो घोषणालाई पत्याएका समेत छैनन्।अहिले आएर उनले आगामी दिनमा आफूले  मादकपदार्थ सेवन नगर्ने बताएकी छिन्। अञ्जुले भनेकी छिन् — 'मदिरा पिउनै हुँदैन भन्ने होइन तर म भने अब यसबाट टाढा भएकी छु ।

एएफसी च्यालेन्ज कप छनोट फुटबलमा नेपाल बंगलादेशसँग पराजित भएको छ । सोमबार भएको आफ्नो दोस्रो खेलमा घरेलु टोली नेपाल बंगलादेशसँग २(० ले स्तभ्द भएको हो ।
हारसँग नेपालको अघिल्लो चरणको प्रवेश कठिन भएको छ । पहिलो खेलमा नदर्न मारियानालाई ६(० ले हराएको नेपालले अघिल्लो चरण प्रवेशको सम्भावना जिवितै राख्न प्यालेस्टानलाई हराउनै पर्छ भने बंगलादेश र नदर्न मारियानाबीचको खेलको नतिजा कुर्नुपर्छ ।
लगातार २ खेल जितेको प्यालेस्टाइन ६ अंकका साथ समूहको शीर्ष स्थानमा छ भने ३ अंक जोडेको नेपाल दोस्रो स्थानमा छ । समान अंक जोडेको बंगलादेश गोल अन्तरका आधारमा तेस्रो स्थानमा छ । पुछारमा रहेको दर्नद मारियानाले भने अंकको खाता नै खोल्न सकेको छैन ।
त्रिपुरेश्वस्थित दशरथ रंगशालामा भएको खेलमा नेपालले सुरुमा नै दुई वटा अबसर खेल पाल्यो । त्यसलगतै बंगलादेशले पनि राम्रा मौका गुमायो ।
निकै प्रतिस्पर्धात्मक खेलमा २७ औं मिनेटमा बल क्लियर गर्ने क्रममा रक्षक किरण चेम्जोङले फल गरेको भन्दै रेफ्रीले पेनाल्टी दिए, जसमा रोनीले गोल गरे । पेनाल्टीको निर्णयप्रति असन्तुष्टी जनाउँदै दर्शकले चर्को हुटिङ गर्नुका साथै मोबाइलको झटारो हानेपछि केहीबेर खेल अवरुद्ध भयो । रेफ्री, एन्फा र एएफसीका अधिकारीहरुबीचको छलफलपछि फेरि खेल सुरु भएको थियो ।
त्यसपछि पहिलो हापमा नेपालले खेलमा र्फकने केही मौका गुमायो । ३७ औं मिनेटमा जगजित श्रेष्ठको पासमा कप्तान सागर थापाले हानेको बल बारको केहीमाथिबाट जाँदा दर्शक चुकचुकाए । दोस्रो हापको सुरुमा नै भरतको प्रहार बारमा लागेपछि नेपालले बराबरी गर्ने मौका गुमायो । ५७ औं मिनेटमा काउन्टर आक्रमणमा रोनीले नै गोल गरेपछि नेपाल २(० ले पछि पर्‍यो ।

चलचित्र वधशालाले शान्ति प्रक्रिया भाँड्ने भन्दै रक्षा मन्त्रालयले सञ्चार मन्त्रालयलाई दोस्रोपटक पत्राचार गरेको छ । रक्षाले महिना दिनअघि सञ्चारमन्त्रलायलाई पत्र लेखी वधशालाको सेन्सर नभएको भए सेन्सरमा रोक लगाउन सेनालाई उधृत गर्दै आग्रह गरेको थियो । रक्षाले पत्र काटेपछि सञ्चारमन्त्रलायले चलचित्र बिकास बोर्डमा पत्र काटी वधशालालाई रोक लगाउन भनेको थियो ।रक्षा मन्त्रालयले सिनेमा नै नहेरी वधशाला रोकेकोमा चौतर्फी विरोध भएको थियो । विरोधपछि रक्षाले सञ्चार मन्त्रलायको नाममा पुनः पत्र काटी वधशालाले शान्ती प्रक्रिया भाड्ने जनाउादै आफैं विचार गर्न मन्त्रालयलाई आग्रह गरेको हो । रक्षाको पत्र पश्चात सोमबार सञ्चार मन्त्रालयमा वधशालाको सेन्सरमा रोक लगाउने गरी टिप्पणी उठाइएको छ ।
सञ्चार मन्त्रालयले सेन्सरमा रोक लगाउने तयारी गरेपछि वधशाला युनिटले रक्षा मन्त्रायल समेतको जिम्मा सम्हालेका प्रधानमन्त्री डाक्टर बाबुराम भट्टराईलाई भेट्ने प्रयास गरेका छन् ।
यसैवीच चलचित्र वधशालाको सेन्सरमा समेत रोक लगाएको प्रति नेपाल चलचित्र निर्देशक समाजले आपत्ति जनाएको छ । समाजका कायम मुकायम महासचिव एम।एस।अ्रगजले जारी गरेको विज्ञप्तिमा भनिएको छ, ‘मनोेज पण्डित निर्देशित चलचित्र ‘वधशाला’ लाई रक्षा मन्त्रालय र सञ्चार मन्त्रालयबाट सेन्सरमा अवरोध पुर्‍याउने काम भएको हुँदा निर्देशक समाज आपत्ति व्यक्त गर्दछ ।’


फागुन २५ गतेबाट प्रदर्शनमा आउने भनिएको यो चलचित्रको सेन्सर हुन सकेको छैन । निर्देशक समाजले सिनेमाको सेन्सर समेत नगर्न भनी रक्षाले पत्र काटेको १ महिना पछि बल्ल आफ्नो धारणा सार्वजनिक गर्नु आफैमा आश्चर्यको बिषय छ ।

मधेसी जनअधिकार फोरम लोकतान्त्रिकले आजदेखि अनिश्चितकालका लगि धनुषा बन्दको आह्वान गरेको छ । जिल्लामा सुशासन कायम तथा जनतालाई विकासको अनुभूति र धार्मिक मठ, मन्दिर, गुठीको जमिनलगायतको संरक्षणका लागि ११ बँुदे माग राखि बन्दको आह्वान गरिएको हो । जिल्ला सचिव जगदिश महराद्धारा जारी विज्ञप्तीमा धनुषा जिल्लामा आउने विकास बजेट र शिक्षा स्वास्थ्यका लागि आउने रकम जिल्लाको स्थानीय प्रशासनले भ्रष्टचार गरेरकाले  विकासको काम प्रभावित भएको आरोप लगाइएको छ ।  जिविस, गाविस र स्थानीय प्रशासनको गठजोरबाट भइरहेको राज्यको रकमको ब्रह्मलुट रोक्नका सँघर्षको अभियान  स्वरुप बन्दको आब्हान गरिएको विज्ञप्तीमा जनाइएको छ ।

चितवनमा दलित केटीसँग विवाह गरेको भन्दै केटालाई परिवारले लुकाएपछि पीडित पक्ष समस्यामा परेका  छन् । फागुन ३ गते जुटपानी ४ सगुनटोलकी जुना परियारसँग भागेर प्रेम विवाह सुर्यपुरका सुवास श्रेष्ठलाई परिवारले लुकाएको पीडितपक्षले बताएको छ । विवाहपछि भागेर काठमाण्डौँ आएका केटा र केटीलाई केटाको परिवारले घरमा भित्र्याउने भन्दै ७ गते फकाएर घर लगेका थिए । ७ गते राती आवश्यक तयारी गरेर भित्र्याउने भन्दै केटीलाई आफन्तकोमा राखेर केटालाई मात्रै परिवारले लिएर गएपछि अहिलेसम्म केटालाई लुकाएर राखेको केटीकी दिदी सामना परियारले जानकारी दिनुभयो । पीडित पक्षले इलाका प्रहरी कार्यालय रत्ननगरमा घटनाको बारेमा जानकारी गराएपछि प्रहरीले कानुनी प्रक्रिया अगाडी बढाएको भएपनि केटाको बुवा श्रीबहादुर श्रेष्ठले पटकपटक छोरालाई प्रहरीमा उपस्थित गराउने भाका माग्दै नबुझाएर टारेको केटी पक्षले आरोप लगाएको छ ।  तीन पटकसम्म प्रयास गर्दा पनि वेवास्था गरेपछि घटनाको बारेमा प्रक्रिया अगाडी बढाउन समस्या परेको छ ।  प्रहरीले श्रीबहादुरलाई छोरा उपस्थित गराउन पटकपटक समय थपिरहनुले घटनामा प्रहरीले वेवास्था गरेको पीडितह पक्षको भनाइ छ । साथै केही अपरिचित व्यक्तिले विभिन्न  नम्बरहरुबाट फोन गर्दै केटीलाई अपशब्द बोलेर धम्क्याउने गरेको  केटीकी दिदी सामना परियारले जानकारी दिनुभयो । घटनाका विषयमा जिल्लामा सञ्चालित दलित भातृ संगठनहरुले पनि पहल गरिरहेका छन् ।

एकीकृत नेकपा माओवादीका केन्द्रिय सदस्य तथा प्रधानमन्त्रीका स्वकीय सचिव गंगनारायण श्रेष्ठले क्रान्ति पुरा नभएकाले शहिदको सपना पुरा  हुन नसकेको बताउनुभएको छ । एकीकृत नेकपा माओवादी सिन्धुलीले आज माढीमा आयोजना गरेको शहिद परिवार सम्मान कार्यक्रममा श्रेष्ठले पार्टीले पहिला वम र बन्दुक बोक्न सिकाएको र अहिले सिर्जनात्मक काम सिकाउन थालेकाले कार्यकर्तामा अन्योल बढ्ेको बताउनुभयो । कार्यक्रमा १ सय ३५ शहिद परिवार र १२ बेपत्ता परिवारलाई सम्मान गरिएको थियो ।

ह्दयघात भएपछि थाइल्याण्डको बैंककस्थित समितिभेज अस्पतालमा उपचाररत पूर्व युवराज पारस शाहको स्वास्थ्यमा उल्लेख्य सुधार आएको छ । अस्पतालले आज जारी गरेको विज्ञप्तिमा पारसले बोल्न र पानी पिउन थालेको जनाएको छ । आज बिहानैदेखि पारसले आफैं पानी पिउन थालेको पनि विज्ञप्तिमा भनिएको छ । झण्डै २ हप्तापछि पारसले भेन्टिलेटर विना नै श्वासप्रश्वास गर्न थालेका हुन् ।

निर्वाचन आयोगमा दर्ता भएको ४३ वटा राजनीतिक दलहरुको गठबन्धन सर्वदलिय राजनीतिक गठबन्धनले उपराष्ट्रपति परमानन्द झाको नेतृत्वमा चुनावी सरकार गठन गर्नुपर्ने माग गरेको छ । रिपोटर्स क्लबमा आज भएको कार्यक्रममा गठबन्धनले अन्तरिम संविधानबाटै निकास खोज्नु पर्नेमा जोड दिदै प्रधानन्यायाधीसको नेतृत्वमा सरकार गठन गर्नु संविधान विपरित हुने तर्क गरेको छ । संविधानको धारा ३६ ग र झ १ बमोजिम संविधानसभाको विघठनपछि राष्ट्रपति र उपराष्ट्रपति मात्रै वैधानिक संस्थाको रुपमा बाँकी रहेकोले निकासको लागि राष्ट्रपतिले उपराष्ट्रपतिको नेतृत्वमा चुनावी सरकार गठन गरेर अघि बढ्नु पर्नेमा जोड दिएको छ । पत्रकार सम्मेलनमा गठबन्धनका संयोजक सोभाराम थापाले ठूला दलहरुको सिण्डिकेटमा परेर मुलुक अप्ठ्यारो अवस्थामा पुगेको आरोप लगाउँदै राष्ट्रपति चार दलको घेरबाट निष्किएर निकास दिन लाग्नु पर्ने बताउनुभयो । यस्तै सचिव विक्रमबहादुर कुवँरले मुलुकको जिम्मा लिएका चार दल असफल भईसकेको र निर्वाचनमा आयोगमा दर्ता भएका सबै दलको हैसियत समान भएकोले अब आम सहमति विनाको निकास सम्भव नभएको बताउनुभयो ।

जिल्ला शिक्षा कार्यालय जुम्लाले यही चैत १ गतेबाट सुरु हुने प्रवेशिका परीक्षा अवधिभर विषयगत शिक्षकलाई तालिममा समावेश गरिने निर्णय गरेको छ ।
प्रवेशिका परीक्षको समयमा परीक्षा केन्द्रमा अभिभावकको दबाबमा विषयगत शिक्षकले चिट चोराउने प्रविृत्तिलाई निरुत्साहित गर्न र परीक्षा केन्द्रको उचित व्यवस्थापन गरी विद्यार्थीले आफैँ पढेर परीक्षा दिने संस्कारको विकास गराउन जिल्ला शिक्षा कार्यालयले सो निर्णय गरेको हो ।
उक्त निर्णयअनुरुप अङ्ग्रेजी, गणित र विज्ञान विषयका शिक्षकलाई तालिममा समावेश गराइने कार्यालयले जनाएको छ ।

निजी उच्चमावि र कलेजमा तोडफोड तथा बन्दको घटना बढ्न थालेपछि सोमबार शिक्षा मन्त्रालयमा सम्बन्धित पक्षबीच वार्ता भएको छ ।, यता अनेरास्ववियु क्रान्तिकारीले काठमाडौं, झापा र दाङमा गरी ५ वटा निजी स्कुलरकलेजमा तोडफोड गरेको छ ।शिक्षा मन्त्रालयका प्रवक्ता महाश्रम शर्माले शिक्षा क्षेत्रमा बन्द हड्ताल नगर्न र बसेर आपसी समस्या समाधान गर्न सार्वजनिक अपिल गरेपछि वार्ताको वातारण बनेको हो ।उच्चमाध्यामिक विद्यालय सङ्घ ९हिसान० का महासचिव युवराज शर्माले आज आफूहरु वार्तामा बस्ने तय भए पनि आजै थप केही शिक्षालयमा तोडफोड भएकामा चिन्ता व्यक्त गरे ।महासचिव शर्माका अनुसार आज स्वयम्भूको ग्रिन कान्तिपुर, रविभवनको ज्ञानकुञ्ज र कोटेश्वरको ग्रामीण स्कुल, झापा र दाङका एक एक वटा उमावि तथा कलेजमा क्रान्तिकारीले भौतिक आक्रमण गरेको बताए ।