कान्तिपुर र अन्नपूर्णपोष्ट दैनिक जलाए

बृहत मधेसी मोर्चाका कार्यकर्त्ताले बिहीबार सिरहामा कान्तिपुर र अन्नपूर्णपोष्ट दैनिक जलाएका छन् । उनीहरुले विराटनगरबाट महोत्तरीसम्म पत्रिका वितरणका लागि हिडेको प्रेसको जिपबाट पत्रिका खोसेर लहानमा जलाएका हुन् । जनपथ तथा सशस्त्र प्रहरी दुवैको अगाडिनै आन्दोलनकारीले पत्रिका जलाएका थिए ।
बा ६ च ९६२ नम्बरको कान्तिपुर दैनिक बोकेको र को १ च ६११६ नम्बरको अन्नपुर्ण पोष्ट दैनिक बोकेको भ्यानबाट कान्तिपुर १० जहार, काठमाण्डु पोष्ट दैनिक २ हजार प्रति, अन्नपूर्ण पोष्ट र दी हिमालयन दैनिक सबै निकालेर जलाइएको छ ।
मोर्चाका कार्यकत्ताहरुले आपmनो पक्षमा समाचार नलेखेको भन्दै पत्रिका जलाएको कान्तिपुर दैनिकका वितरक किशोर गिरीले बताए । अन्नपूर्ण पोष्टको गाडीलाई पहिलेदेखि नै रोकेर राखेको र पछिबाट कान्तिपुरको गाडी पुगेपछि एउटा पत्रिका मागेर पढे लगतै अपशब्द भन्दै गाडीबाट सबै पत्रिका निकालेर जलाइदिएको गिरीले भने । मोर्चाका कार्यकर्ताले पत्रिका जलाउँदा त्यहाँ रहेका सुरक्षाकर्मी मुकदर्शक बनेका थिए । नेपाल पत्रकार महासंघ सिरहा शाखाका सभापति देवकुमार यादवले एक विज्ञप्ती जारी गरी मोर्चाका कार्यकर्ताले कान्तिपुर र अन्नपूणर्ा पोष्ट दैनिक जलाएको प्रति घोर भत्सर्ना गरेका छन् । उनले पत्रिका जलाउनु स्वतन्त्र पत्रकारिता प्रतिको प्रहार भएको जनाएका छन् ।
यस्तै, नेपाल प्रेस यूनियन शाखा सिरहाका सभापति रामबाबु यादवले विज्ञप्ती जारी गरी मोर्चाका कार्यकर्त्ताहरुले पत्रिका जलाएको प्रति गम्भिर ध्यानाकर्षण भएको जनाएको छ । सभापति यादवले पत्रिका जलाउनु स्वतन्त्र पत्रकारिता प्रतिको हस्तक्षेप भएको भन्दै उक्त घटनाको भत्सर्ना गरेको छ ।

Labels: नेपाली