‘प्रधानमन्त्रीले राजीनामा गर्न लागेको हल्ला भइरहेको छ, यो सरासर गलत हो’ भट्टराईका स्वकीय सचिव फणिन्द्र देवकोटाले भन्नुभयो-’राजीनामा समस्याको समाधान हैन, मुलुकलाई भद्रगोल अबस्थामा छाडेर उहाँले राजीनामा गर्नुहुन्न ।’

संबिधान निर्माण पुरा भएपछि मात्र राजीनामा दिने पाँच बुँदे सहमतिको मर्म रहेको भन्दै देवकोटाले भन्नुभयो- संबिधान निर्माण भएपछिमात्र उहाले राजीनामा दिनुहुन्छ ।’

तर नेपाली कांग्रेस र एमालेले भने भट्टराईले राजीनामा नदिए दुवै दल एकैचोटी सरकारबाट बाहिरिने चेतावनी दिएका छन् । सिंहदरबारमा भएको चार दलको वैठकमा पनि प्रधानमन्त्रीले आफुले राजीनामा नदिने बताउनुभएको वैठकमा सहभागी नेताहरुले जनाएका छन् ।

मधेसी मोर्चाले समेत संबिधान नबन्दासम्म कुनैपनि हालतमा सरकार ढल्न नदिने अडान वैठकमा राखेको छ । माओवादी र मधेसी मोर्चामात्र सहभागी हुँदा पनि सरकारसँग बहुमत पुग्ने भएकाले प्रधानमन्त्री राजीनामा नदिने मुडमा रहेको बताइएको छ ।

कांग्रेस र एमालेले सरकारबाट बाहिरिने चेतावनी दिएपनि संबिधानसभाको म्याद थप गर्ने प्रस्तावको बिपक्षमा मतदान गर्ने भनेका छै्रनन् ।