सुदूरपश्चिममा आइतबारदेखि सुरु हुने राष्ट्रिय खेलेकुद प्रतियोगिताको तयारी अन्तिम चरणमा पुगेको आयोजकले जनाएको छ ।

आयोजक राष्ट्रिय खेलकुद परिषद्का सदस्यसचिव युवराज लामाले प्रतियोगिताको तयारी अन्तिम चरणमा पुगेको अनलाइनखबरलाई जानकारी दिुनुभयो । ‘खेलाडी तथा पाहुनाका लागि बस्ने ठाउँ र खाने कुराको तयारी पूरा भएको छ’, लामाले भन्नुभयो, ‘ उद्घाटन समारोहको मञ्च र रंगशाला निर्माणको काम पनि अन्तिम चरणमा पुगेको छ ।’

प्रतियोगिताको धनगढी रंगशालामा आयोजित एक विशेष समारोहबीच राष्ट्रपति डा. रामवरण यादवले भोलि अपराहृन साढे २ बजे उद्घाटन गर्ने कार्यक्रम छ । प्रतियोगिताका लागि खेलाडीहरु सुदूरपश्चिम पुग्ने क्रम जारी छ । प्रतियोगिताका कूल ३१ मध्ये २४ वटा खेलहरु कैलालीको धनगढी र कञ्चनपुरको महेन्द्रनगरमा हुनेछन् ।

by;onlinekhabar.com