माओवादीसँग आवश्यक छलफल गरी वर्तमान सरकारलाई दिएको समर्थन फिर्ता लिने वा सरकारमा सहभागी हुने भन्ने विषयलाई अन्तिम निर्णय गर्ने जिम्मा यादवलाई नै सुम्पिएको महासचिव आत्मारामप्रसाद साहले जानकारी दिनुभयो । बैठकले मतदाता नामावली, हुलाकी सडक निर्माण र मधेसी समुदाय नागरिकताका कारण राज्यमा गैरनागरिक भएकोतर्फ आवश्यक पहल गर्ने र त्यसका लागि माओवादीसँग भएको चारबुँदे सहमतिअनुसार ती मुद्दालाई अगाडि बढाउने निर्णयसमेत गरेको छ ।बैठकमा अध्यक्ष जेपी गुप्ताविरुद्ध सर्वोच्चले गरेको निर्णयमा केन्दि्रत भएर छलफल भएको थियो । छलफलमा केन्द्रीय सदस्यहरुले मधेस आन्दोलनका उपलब्धिलाई संस्थागत गर्न आवश्यक कदम चाल्नुपर्नेमा जोड दिनुभएको थियो । बैठक भोलि पुनः बस्ने छ ।