एमाओवादीको जिल्ला सम्मेलनमा वाइसिएलका कार्यकर्ताले पत्रकारलाई खोजी–खोजी आक्रमण गरेको समाचार लेखेको भन्दै वाइसिएलका कार्यकर्ताले दुई पत्रकारलाई धम्की दिएका छन् ।नेपाल पत्रकार महासंघ काभ्रेका सचिव, सौर्य दैनिकका सहकर्मी, चेष्टा साप्ताहिकका कार्यकारी सम्पादक मोतिराम तिमल्सिना र कान्तिपुर दैनिकका काभ्रे संवाददाता मनोज बस्नेतलाई वाइसिएलका कार्यकर्ताले धम्की दिएका हुन् । ‘तिमल्सिनालाई मंगलबार बनेपामा आक्रमण
गर्‍यौँ, भोलि पनि सिध्याइदिन्छु भन्दै धम्क्याए,’ तिमल्सिनाले भने । वाइसिएलका कार्यकर्ताले काभ्रे र काठमाडौंमा समेत जिल्लाका पत्रकारमाथि आक्रमण गर्ने योजना बनाइरहेका सूचना बुधबार पत्रकारका मोबाइलमा आइरहे ।असुरक्षित भएको महसुस गर्दै पत्रकारहरूले बुधबार दिउँसो सिडिओ ऋषिराम ढकाललाई शान्ति सुरक्षाको माग गर्दै ज्ञापन पत्र बुझाएका छन् । पत्रकारहरूले मंगलबार कुटिएका पत्रकारहरूको उपचार, लुटिएका सञ्चारसामग्री फिर्ता तथा क्षतिपूर्ति तथा आक्रमणमा संलग्न वाइसिएलका कार्यकर्तालाई कारबाही माग गरेका छन् । souryadaily.com मा दैनिकमा खबर छ 

 काठमाडौं, माघ १९--
उच्चशिक्षामा छात्रवृत्ति पाउने आशामा कतिपय निजी  विद्यालयमा पढ्ने विद्यार्थीहरूले सरकारी विद्यालयबाट एसएलसी परीक्षामा दोहोरो रजिस्ट्रेसन गरेको पाइए त्यस्ता विद्यार्थीले परीक्षा दिन नपाउने भएका छन्। 
त्यस्ता विद्यार्थीहरूले चालु वर्षका लागि गरेको रजिस्ट्रेसन स्वतः रद्द हुने व्यवस्था परीक्षा नियन्त्रण कार्यालय सानोठिमीले गरेको छ। 'एसएलसी परीक्षाको तयारी'बारे  शिक्षा पत्रकार समूहद्वारा आयोजित छलफल कार्यक्रममा परीक्षा नियन्त्रण कार्यालयका उपनियन्त्रक प्रल्हाद अर्यालले एसएलसी परीक्षा सञ्चालन तथा व्यवस्थापन निर्देशिका दोस्रो संशोधन गरी नयाँ व्यवस्था गरिएको जानकारी दिए। गत वर्ष दुई हजार ८०० विद्यार्थीको दोहोरो रजिस्ट्रेसन देखिएको थियो।
यस वर्ष त्यस्तो रजिस्ट्रेसन भए/नभएको बारेमा अध्ययन भइरहेको भन्दै उपनियन्त्रक अर्यालले सो कार्यमा संलग्न विद्यालय र सम्बन्धित कर्मचारीलाई पनि कारवाही हुने बताए।  उनका अनुसार त्यस्ता विद्यार्थीले रु. सात सय तिरेर सिधै नियन्त्रण कार्यालयमा उत्तरपुस्तिका हेर्न पाउँ भनी निवेदन दिन सक्नेछन्। 
शिक्षाविद् डा तीर्थ खनियाँले परीक्षालाई प्राविधिक र प्रशासनिक बनाइएको टिप्पणी गर्दै गेसपेपर प्रतिबन्ध गरेर नियन्त्रण गर्नेतिरभन्दा मौलिक उस्तै खालको प्रश्‍नपत्र निर्माणको साटो चिट चोर्न नसके गरी प्रश्नपत्र बनाउन बनाउन सुझाव दिए।

शिक्षक सेवा आयोगले गराउन लागेको स्थायी शिक्षकको परीक्षामा दृष्टिविहीनका लागि समय थप लगायतका माग राख्दै दृष्टिविहीन युवा संघ नेपालले बिहीबार आयोगका अध्यक्षलाई ज्ञापनपत्र बुझाएको छ । अरु परीक्षामा जस्तै दृष्टिविहीनका लागि १ घण्टा समय थप्नुपर्ने, मावि र निमावि तहमा आरक्षण वृद्धि गर्नुपर्ने र सहयोगी लेखकको स्पष्ट मापदण्ड निर्धारण गर्नुपर्ने माग राखी ज्ञापन पत्र बुझाईएको संघका अध्यक्ष कलाधर भण्डारीले जानकारी दिनुभयो । उहाँका अनुसार आयोगका अध्यक्ष उदयराज सोतीले मागप्रति आफू सकारात्मक रहेको भन्दै एक महिना भित्रमा नीतिगत रुपमै सुधारको प्रयास गरिने बताउनुभएको छ 

शिक्षकले विद्यार्थीलाई दुव्र्यवहार र कुटपिट गरेको भन्दै स्थानीय अभिभावकले आज बिहान सर्लाहीको ईश्वरपुर–५, रामपुरस्थित आदर्श निम्न माध्यमिक विद्यालय घेराउ गरेका छन् । शिक्षक रामलाल रायले कक्षा ५ का विद्यार्थी शुशिल चौधरीलाई गत १५ गते अपशब्द बोल्दै लात्ताले भकुरेका स्थानीय अभिभावकको आरोप छ । साथै विद्यालयको घण्टी समेतले ती बालकलाई निर्घात कुटपिट गरेको अभिभावकले बताएका छन् । सिसा कलमका विषयमा दुई विद्यार्थीबीच भएको विवादको निहँुमा शिक्षक रायले गाली गलौज गर्दै जुत्ता सहितको खुट्टाले निर्घात कुटपिट गरेका पीडितका बुवा गुलन चौधरीले गुनासो गर्नुभयो ।  हिजो शहिद दिवसको विदा परेकाले अभिभावकहरु शिक्षक रायलाई कार्वाहीको माग गर्दै आज विद्यालय पुगेका हुन् । तर शिक्षक राय घरायसी कामले आज विद्यालय नआएकाले यस विषयमा छलफल हुन नसकेको प्रधानाध्यापक सहदेव सिंहले जानकारी दिनुभयो । आक्रोशित अभिभावकले भने डरले शिक्षक राय भागेको दावी गरेका छन् ।  प्रधानाध्यापक सिंहले यस विषयमा छलफल गर्न आगामी आईतबार अभिभावक बैठक बोलाएको जानकारी दिनुभयो ।

नेपाल पत्रकार महासङ्घका केन्द्रिय अध्यक्ष शिव गाउँलेले प्रेसको ज्याकेट लगाएर समाचार सङ्कलन गर्न गएका पत्रकार कुटिनु निन्दनीय भएको बताउनुभएको छ । उहाँले देशको नेतृत्व सम्हालिरहनुभएका प्रधानमन्त्रीको उपस्थितिमा घटना भएकाले एकीकृत नेकपा माओवादीले सार्वजिक रुपमा आममाफी माग्नुपर्ने पनि बताउनुभएको छ । एकीकृत नेकपा माओवादीका शीर्ष नेता सहभागी काभ्रे जिल्ला कमिटीको दोस्रो जिल्ला अधिवेशनको समाचार सङ्कलन गर्न अस्ति बनेपा पुगेका जिल्लाका पत्रकारहरुमाथि वाइसीएलका कार्यकर्ताहरुले कुटपिट गर्दै प्रेसको ज्याकेट समेत च्यातेको घटनापछि अवस्था बुझ्न आज काभ्रे आइपुग्नु भएका अध्यक्ष गाउँलेले यस्तो बताउनुभएको हो । महासङ्घका अध्यक्ष गाउँले, केन्द्रिय सदस्यहरु बालकृष्ण बस्नेत, दिलिप थापा मगर र प्रेस चौतारीका उपाध्यक्ष राजेन्द्र अर्याल सम्मिलित टोलीले वाइसीएलको आक्रमणबाट घाइते र ज्यान मार्ने धम्की आएका पत्रकारहरुसँग छुट्टाछुट्टै भेट गरेको थियो । महासंघको टोलीले जिल्लामा क्रियाशील मानवअधिकारकर्मी, नागरिक समाजका अगुवाहरुसँग पनि घटनाको बारे जानकारी लिएको छ । टोलीले आक्रमण र धम्कीपछि काभ्रेका पत्रकारहरु त्रसित मानसिकतामा रहेको भन्दै सुरक्षाको प्रत्यभूति दिलाउन प्रशासनसँग माग गरेको छ । वाईसीएलको आक्रमणबाट ६ जना पत्रकार घाइते भएका थिए । गम्भीर घाइते ग्रेस एफएमका कृष्ण न्यौपानेको अझै पनि धुलिखेल अस्पालमा उपचार भइरहेको छ । यसैबीच जिल्लामा रहेका विभिन्न ११ वटा सामाजिक सङ्घसंस्थाहरुले आज प्रेस विज्ञप्ति निकालेर प्रशासनकै अगाडि पत्रकारमाथि भएको आक्रमणको निन्दा गरेका छन् । 

डा। सूर्य पराजुली .
                    समयमै दिसा नहुनु वा दिसा हुँदा गाह्रो हुनु र कडा प्रकारको दिसा आउनुलाई कब्जियत वा दिसा गोटा पर्नु भनिन्छ । यस समयमा आउने कडा प्रकारको दिसामा साधारणतया भन्दा पानीको मात्रा कम पनि हुन्छ । कब्जियत वा दिसा गोटा पर्नु भनेको रोग होइन तर लक्षण हो । सामान्यतय  शरीरको अन्य समस्याहरु जस्तो  पाचन प्रणाली र पाचन प्रक्रियाको सम्बन्धमा मानिसको कम ध्यानाकर्षण हुने भएकोले नियमित रुपमा दिसा भएको छ वा छैन भनेर पनि थाहा नहुने अवस्था हुन्छ । यदि कुनै व्यक्तिले ३ दिनसम्म लगातार दिसा गरेको छैन अथवा दिसा गर्ने समयमा दुखेको वा गाह्रो भएको अनुभव गरेको छ  भने त्यसलाई कब्जियत भएको बुझिन्छ ।
कारणहरु
अनियमित रुपममा दिसा गर्ने बानी, कडा प्रकारका खानाहरु खानु, रेसादारयूक्त खानाहरु रोटी, मकै, ढिडो, सागसब्जी तथा फलफुलहरु कम खानु, गर्भावस्था, झोल पदार्थ कम खानु, लामो समयसम्म औषधीको सेवन गर्नु, व्यायामको कमी, लामो समयको पखालाको कारणले शरीरमा पानी सकिनु वा कम हुनु, इन्टेस्टाइनल अब्सट्रक्सन तथा पेट र आन्द्रा सम्बन्धि कुनै रोग हुनु, मानसिक तनाब, आन्द्राको क्षयरोग तथा क्यान्सर हुँदा दीर्घकालीन रुपमा कब्जियत हुन सक्ने हुन्छ

शिक्षा मन्त्रालयले गेसपेपर प्रतिबन्ध लगाएपनि नवलपरासीमा अझै यसको छ्याप्छ्याप्ती विक्री वितरण भएको छ । नवलपरासीका गैडाकोट, रजहर, कावासोती, अरुणखोला, बर्दघाट, सुनवल, परासी लगायतका पुस्तक पसलहरुमा यसको छ्याप्छ्याप्ती विक्री वितरण भईरहेको छ । विद्यार्थीहरुको पठनक्षमतामा ह्रास ल्याएको भन्दै सरकारले गेसपेपरमा प्रतिबन्ध लगाएको थियो । नवलपरासीमा पुस्तक व्यवसायीहरुले यस बर्ष प्रकाशन भईसकेको गेसपेपरमा रोक नलगाएको भन्दै विक्री गरिरहेको छ । जिल्ला शिक्षा कार्यालय नवलपरासीका कर्मचारीहरुले भने कारवाही गर्ने नगर्ने विषयमा आन्यौलता रहेको जनाएको छ । स्पष्ट निर्देशन नआएकाले कारवाही र प्रतिबन्ध लगाउन अप्ठेरो भएको जिल्ला शिक्षा कार्यालय नवलपरासीका एक कर्मचारीले बताए । तर जिल्ला शिक्षा कार्यालय नवलपरासीका जिल्ला शिक्षा अधिकारी टेकबहादुर थापाले भने नियम विपरित विक्री वितरण भएको पाइए कारवाही गरिने बताउनुभयो ।

दलित विद्यार्थीलाई वितरण गरिने छात्रवृतिको दुरुपयोग भएको एक कार्यक्रमका वक्ताहरुले बताएका छन् । राजधानीमा दलित सेवासंघले आयोजना गरेको “उच्च शिक्षामा दलित युवाहरुको पहुँचको लागि अवसर, चुनौति र सरोकारवालाहरुको भुमिका” विषयक अन्तरक्रिया कार्यक्रमका बक्ताहरुले राज्यले दलितहरुलाई दिइने छात्रवृत्ति कनिका छरे सरह भएको बताएका हुन् । उनिहरुले दलित विद्यार्थीको नाममा आएको रकम केहि टाठाबाठाका छोराछोरीहरुले मात्रै पाएको भन्दै छात्रवृत्तिको सदुपयोग भए नभएको विषयमा अनुगमन गर्नु पर्नेमा जोड दिएका छन् । सोहि अवसरमा शिक्षा मन्त्रालयका प्रवक्ता रोजनाथ पाण्डेले शिक्षा क्षेत्रमा सरकारले लगानी गरे अनुसार दलित विद्यार्थीको उच्च शिक्षामा पहुँच पुग्न नसकेको बताउनु भयो । कार्यक्रममा बोल्दै उहाँले अन्य समुदायको तुलानामा दलित समुदायको शिक्षामा पहुँच शुन्य प्रतिशत रहेको बताउनु भयो । शिक्षा विभागका उपनिर्देशक दुर्गा कडेंलले गरिबीका कारण अधिकांश दलित वालवालिका विद्यालय बाहिर रहेको भन्दै उनीहरुका लागि शिक्षामा पहुँच पुर्याउन विशेष रणनीति तय गरिएको जानकारी दिनु भयो । दलित अधिकारकर्मी हिरा विश्वकर्माले विद्यालय तहमा दिइएको छात्रवृत्ति र दलित विद्यार्थी भर्ना अभियान भ्रष्टाचारको रुपमा विकसित हुँदै गएको बताउनु भयो । उहाले दलित भर्ना कार्यक्रम र छात्रवृत्तिले केहि दलित विद्यार्थीलाई आकर्षण गरे पनि विद्यार्थी संख्या देखाएर विद्यालय व्यबस्थापन समितिका व्यक्ति र शिक्षकहरुको मिलेमतोमा रकम झिकि खाने माध्यम बनेको जिकिर गर्नु भयो । साथै उहाँले छात्रवृति वितरण गर्ने संघसंस्थाहरुसँग छात्रवृत्तिको लागि गरिविलाई मात्रै आधार नबनाउन पनि आग्रह गर्नु भयो ।

जिल्ला शिक्षा कार्यलय सिरहामा अहिले शिक्षक अनुमति पत्र (लाईसेन्स)
लिनेहरुलाई सास्ती भइरहेको छ । “सिरहाका जिल्ला शिक्षा अधिकारी हरि बस्ती
विगत ९÷१० दिन देखि काठमाडौँमा बसेको कारण उहाँको हस्ताक्षर विना शिक्षक
अनुमति पत्र दिन नमिल्ने कार्यालयका कर्मचारीले बताएका छन् । शिक्षक सेवा आयोगमा शिक्षक अनुमति पत्र आवश्यक भएकोले शिक्षक सेवा आयोगका फाराम भर्नेहरु मर्कामा परेका छन् ।  शिक्षक सेवा आयोगको फारम भर्ने अन्तिम मिति यहि माघ २५ गतेसम्म छ ।

पर्वतको शालिजा गाविसमा अवस्थित शालिजा उच्च माविमा सञ्चालित दृष्टिविहिन स्रोत कक्षामा अध्ययनरत बालबालिकाहरु ब्रेललिपिको माध्यामबाट अक्षर चिन्न शुरु गरेका छन् । पछिल्लो समयमा स्रोत कक्षाको विकासका लागि सहयोगी निकायले चासो देखाएपछि उनीहरु ब्रेललिपिमार्फत अक्षर चिन्ह थालेका हुन् । स्थापनाकालमा स्रोत कक्षाको विकासका लागि समस्या भए पनि पछिल्लो समयमा जिल्ला शिक्षा कार्यालय, प्लान नेपाल, नेपाल अपाङ्ग उत्थान समाज लगायतका निकायहरुबाट सहयोग प्राप्त भएपछि अहिले स्रोत कक्षा सञ्चालनका लागि समस्या नभएको विद्यालयका प्राचार्य कृष्णप्रसाद पराजुलीले जानकारी दिनुभयो । केही वर्षअघि जिल्लाकै सदरमुकामको छिमेकी गाविस पिपलटारीमा सञ्चालनमा आएको स्रोत कक्षा प्रभावकारी नभएपछि शालिजा उच्च माविमा स्थान्तरण गरिएको हो । विद्यालयमा अहिले १० जना दृष्टिविहिन बालबालिका अध्ययनरत रहेको विद्यालयले जनाएको छ ।

बुटवल बसपार्कमा रोकिराखेको बसभित्रै किशोरी बलात्कृत भएकी छन् । रोल्पा नुवागाउँ गाविस–४ घर भई कामका लागि बुटवल आएकी १५ वर्षीया किशोरी सामूहिक बलात्कारको सिकार भएकी हुन् ।  तीन जनाबाट बलात्कृत भएकी उनको पाठेघर च्यातिएको छ भने उनी कहिले अचेत हुन्छिन त कहिले डराउने र चिच्याउने गरेको सौर्य सहितका आजका पत्रकपत्रिकामा खबर छ । ८ पुसमा बेलुका भएको घटना एक महिनापछि मात्र सार्वजनिक भएको हो ।
किशोरीलाई सामूहिक बलात्कार गरेको अभियोगमा बुटवल–९, दीपनगरका १७ वर्षीय भीमबहादुर सुनार, सोही ठाउँका २३ वर्षीय रमेश थापा र स्याङ्जाको वालिङ–१ का १९ वर्षीय हरि पाठकलाई पक्राउ गरिएको इलाका प्रहरी कार्यालय बुटवलका एसपी राजकुमार बैदवारले बताए ।
सौतेनी आमाको दुव्र्यवहार सहन नसकी गाउँकै एक युवाको सहयोगमा कामका लागि बुटवल आएकी किशोरीलाई बुटवल बसपार्कमा रोकी राखेको लु १ ख ३६०८ नम्बरको बसमा लगेर तीनजनाले सामूहिक बलात्कार गरेका थिए ।
मुख थुनेर हातखुट्टा बाँधेर नियन्त्रणमा लिएर बलात्कार गरिएको पीडित किशोरीले प्रहरीसामु बताएकी छन् । घटनाको एक महिनापछि तीनै अभियुक्तलाई इलाका प्रहरी कार्यालय बुटवलले सार्वजनिक गरेको हो । अभियुक्तमध्ये सुनारलाई ८ पुसमा उसकै बयानका आधारमा, अर्का अभियुक्त थापालाई ९ पुसमा घरैबाट पक्राउ गरेको थियो । उनीहरू पुर्पक्षका लागि थुनामा छन् । एक महिनाको खोजतलासपछि ८ माघमा पाठकलाई पक्राउ गरिएको प्रहरीले बताएको छ ।
किशोरी बलात्कारपछि दाङ जाने गाडी चढाइदिन्छु भन्दै लैजाँदै गर्दा ८ पुसमा सुनारलाई गस्तीमा रहेको वडा प्रहरी कार्यालय बुटवलको प्रहरी टोलीले पक्राउ गरेको थियो, पीडितलाई बुटवलस्थित लुम्बिनी अञ्चल अस्पतालमा उपचारार्थ लगिएको थियो । मुख्य अभियुक्त पक्राउ नगर्दासम्म घटनालाई प्रहरीले गोप्य राखेको बताएको छ । घटनामा संलग्न सबै पक्राउ भएपछि मात्रै प्रहरीले पत्रकार सम्मेलन गरी सार्वजनिक गरेको हो

गुगलको नक्शा सम्बन्धि साइट गुगल म्याप्समा अहिलेसम्म उपलब्ध नभएको उत्तर कोरियाको नक्सा सार्वजनिक गरेको छ ।गुगलको म्याप मेकर टुल्सको प्रयोग गरी तयार पारिएको उत्तर कोरियाको नक्सांकनलाई गुगलले पहिलोपटक आफ्नो वेबसाइटमा उपलब्ध गराएको हो । यो टुल्समा सर्वसाधारणले उपलब्ध गराउने तथ्य तथा जानकारी र स्याटेलाइट तस्वीरको संयोजनबाट पूर्ण नक्सातयार पारिन्छ ।
गुगलले आफ्नै तस्वीर खिच्न सम्भव नभएको वा असहज भएका स्थानको नक्सा तयार गर्न यो प्रविधिको प्रयोग गर्ने गरेको छ । सन् २००८ मा यो प्रविधि सुरु गरिएको थियो ।
गुगलम्याप मेकर कावरिष्ठ म्यानेजर जयन्त मेसोरले केहीवर्षको प्रयास पछि उत्तर कोरियाको पूर्ण नक्सा तयार पारिएको र अहिले गुगल म्याप्समा उपलब्ध भैसकेको जानकारी दिए । यो सँगै अब गुगल म्याप्समा गएर उत्तर कोरियाको विस्तृत नक्सा तथा जानकारी प्राप्त गर्न सकिनेछ,
विश्वमा सूचना प्रविधिको  विकाश भैरहेपनि अरु विश्वबाट अलग्गै रहेको कम्युनिष्ट मुलुकउत्तर कोरियाको आन्तरिक वस्तुस्थिति तथा भौगोलिक अवस्थाका विषयमा अरु देशका मानिसले जानकारी पाउननिकै कठीन छ । निकै नियन्त्रित सासन व्यवस्था रहेको उत्तर कोरियामा मानिसहरुले गुगल चलाउन प्रतिबन्धित छ । त्यसकारण गुगलको यो नक्सा तयार गर्दा उत्तर कोरियालीहरुबाट सूचना तथा तथ्यांक प्राप्त हुन सकेन । लगभग पूर्ण रुपमा स्याटेलाइट तस्वीरमा आधारित उत्तर कोरियाको गुगल म्यापमा केही दक्षिण कोरियालीहरुले उपलब्ध गराएका सूचना र केहीकच्चा नक्साहरुको सहायतापनि लिइएको छ ।

सुर्खेत बावियाचौरका दुईवटा लघुजलविद्युत आयोजनाले विद्युत महशुलको केही प्रतिशत रकम शिक्षामा लगानी गर्ने भएका छन् । विद्युत महशुलको ३० प्रतिशत रकम तलवका रुपमा दिनेगरि बावियाचौरका ११ वटा विद्यालयमा एक÷एक जना शिक्षक राख्न लागिएको हो । सहकारीमार्फत् चलेको २४ किलोवाट क्षमताको नेपालकै पहिलो लघुजलविद्युत आयोजना बावियाचौर लघुजलविद्युत आयोजनाले बावियाचौर १ को नेपाल राष्ट्रिय प्राथमिक विद्यालय मुर्मुरी, कालिका प्राथमिक विद्यालय तिखाकुना र वडानम्वर २ को शान्ति प्राथमिक विद्यालयमा शिक्षकलाई तलव दिनेछ । त्यस्तै, नवनिर्मित ५३ किलोवाट क्षमताको खमारीखोला लघुजलविद्युत आयोजनाले वडानम्वर ३ को विद्याज्योति उच्च माद्यमिक विद्यालय, वडानम्वर ४ को समूह प्राथमिक विद्यालय, वडानम्वर ५ को गौरीशंकर निम्न माद्यमिक विद्यालय, वडानम्वर ६ को यूवाज्योति निम्न माद्यमिक विद्यालय, वडानम्वर ७ को शहिदस्मारक प्राथमिक विद्यालय, वडानम्वर ८ को जनज्योति निम्न माद्यमिक विद्यालय, वडानम्वर ८ कै भगवति प्राथमिक विद्यालय र वडानम्वर ९ को नेपाल राष्ट्रिय प्राथमिक विद्यालयमा शिक्षकका लागी लगानी गर्नेछ । लघुजलविद्युत आयोजनाबाटै शिक्षामा पनि लगानी भएपछि आफुहरु खुसी भएको स्थानीय नागरिक कृपाराम थापाको भनाई छ । सर्वपक्षीय बैठक बसालेर शिक्षक नियुक्त गर्न आफुहरुले सवै विद्यालयमा पत्राचार गरिसकिएको खमारीखोला लघुजलविद्युत आयोजनाले जनाएको छ । आयोजनाका अध्यक्ष केशव पाठकले पत्राचार गरिएकामध्ये केही विद्यालयले निर्णय गरि शिक्षकको नाम पनि जानकारी गराइसकेको बताउनुभयो 

जुम्ला, सदरमुकाम खलंगा आसपास बिनाअनुमति एक दर्जनभन्दा धेरै ट्युसन सेन्टर सञ्चालनमा छन् । अनुमति नलिई जथाभावी ट्युसन केन्द्र खुलेपछि नियन्त्रण गर्न कठिनाइ भएको शिक्षा कार्यालयले जनायो । अधिकांश विद्यालयमा विषयगत शिक्षक नभएका र कोर्ससमेत पूरा नभएकाले एसएलसी परीक्षाको तयारीका लागि ती ट्युसन केन्द्रमा भीडभाड छ । शिक्षा नियमावलीअनुसार ट्युसन कक्षा सञ्चालन गर्न चाहने इच्छुक शिक्षकहरूले शिक्षा कार्यालयबाट अनुमति लिनुपर्ने हुन्छ । शिक्षा कार्यालयले बारम्बार आग्रह गरे पनि दुई वटा मात्र ट्युसन सेन्टरले निवेदन दिएका छन् ।
ट्युसन सेन्टरहरू नियमनमा नआउँदा विद्यार्थीहरूको पढाइ अव्यवस्थित भएको भन्दै अनेरास्ववियुले त्यस्ता ट्युसन केन्द्रहरू अनुगमन सुरु गरेको छ ।

सिरहाको इटहर्वा गाविस( ५ स्थित महेशवारी माध्यमिक विद्यालयका प्रधानाध्यापकले एसएलसी पास गराइदिने भन्दै प्रतिपरीक्षार्थी रु तीन हजारदेखि १० हजारसम्म असुलेको खुलासा भएको छ । योग्यता परीक्षा ९टेष्ट०समेत नभएको अवस्थामै परीक्षार्थीसाग एसएलसी पास गराइदिने भन्दै विद्यालयका प्रधानाध्यापक जीवछ यादवले अवैध तरिकाले रकम असुलेको अभिभावकहरुको भनाइ छ ।  प्रधानाध्यापक यादवले रकम नदिए एसएलसी पास नहुने धम्कीसमेत दिएको अभिभावकहरु बताउँछन् । एसएलसीमा आफ्ना छोराछोरीलाई अनुत्तीर्ण गराइदिने डरले अभिभावकहरुले बाध्य भएर रु तीन हजारदेखि १० हजारसम्म प्रधानाध्यापक यादवलाई दिएको अभिभावक सङ्घका जिल्ला अध्यक्ष रामानन्द गुप्ताले दाबी गर्नुभयो । उनले भने–एसएलसी पास गराउ

महिला माथि जवरजस्ती अनुचित कार्य गरेको अभियोगमा प्रहरीले दुई जनालाई पक्राउ गरेको छ ।
मध्यपुर ठिमी नगरपालिका–१६ लोकन्थली डेरा गरी बस्ने १८ वर्षीया सावित्री तामाङ ( नाम परिवर्तन) लाई आज विहान दुई यवकले जवरजस्ती अनुचित कार्य गरेको प्रहरीले जनाएको छ । पक्राउ पर्नेमा उदयपुर जिल्ला बरीया–९ घर भएका १९ वर्षीय लालबहादुर तामाङ र २७ वर्षीय लीलाबहादुर तामाङ रहेका छन् ।

सावित्रीले विहान साढे छ बजे आफूलाई जबरजस्ती अनुचित कार्य गरेको उजुरी दिए पछि महानगरीय प्रहरी वृत्त ठिमीबाट गएको टोलीले दुबै जनालाई पक्राउ गरेको थियो 

धम्कीका कारण दैलेखबाट विस्थापित भएका २२ जना पत्रकार आज जिल्ला फर्किएका छन् । पत्रकार डेकेन्द्रराज थापाको हत्या आरोपीलाई पक्राउ गरेपछि अनुसन्धान अघि बढाउन दबाब दिएका दैलेखका पत्रकारहरुलाई स्थानीय एकीकृत माओवादी र नेकपा माओवादी कार्यकर्ताहरुले ज्यान मार्ने धम्की दिएपछि ६ दिनदेखि सुर्खेत आएका थिए । काठमाण्डुबाट गएको नेपाल पत्रकार महासंघको टोलीको अगुवाइमा पत्रकारहरु फर्किएका हुन् । फर्किएका पत्रकारहरुलाई दैलेख बजारमा अबिर र माला लगाएर स्वागत गरिएको थियो । क्षेत्रीय प्रशासक कार्यालय, सुरक्षा निकाय, राष्ट्रिय मानवअधिकार आयोग, नेपाल पत्रकार महासंघको टोलीसँगै विस्थापित पत्रकारहरु दैलेख गएका हुन् ।

प्रधानमन्त्री बाबुराम भट्टराई काभ्रे आउने भएपछि सरकार विरुद्ध आन्दोलनमा उत्रिएका विपक्षीदलहरुले विरोध प्रर्दशन गरेपछि आज झडप हुँदा पत्रकारसहित विपक्षी दलका नेताकार्यकर्ताहरु घाइते भएका छन् । त्यसक्रममा पत्रकार भोला थापा, मोतीराम तिमल्सिना, मनोज बस्नेत, कृष्ण न्यौपाने, प्रकाश सुन्दास, केशव पौडेल, रामकृष्ण चापागाईं, कृष्णचन्द्र बन्जारालगायतलाई पनि दुव्र्यवहार गर्दै घाइते बनाएका छन् । पत्रकारमाथि आक्रमणपछि  पत्रकारहरुले विरोधस्वरुप कार्यक्रम बहिस्कार गरेका छन् । एकीकृत नेकपा माओवादीका अध्यक्ष पुष्पकमल दाहाल प्रचण्ड, उपाध्यक्ष एवं प्रधानमन्त्री डाक्टर बाबुराम भट्टराई र अर्का उपाध्यक्ष तथा उपप्रधानमन्त्री नारायणकाजी श्रेष्ठ काभ्रे जिल्ला अधिवेशनका लागि आज काभे्र आउनुभएको थियो । प्रधानमन्त्री आउने थाहा पाएपछि विपक्षीहरुले प्रधानमन्त्रीलाई जिल्ला प्रवेश निषेधको घोषणा यसअघि नै गरेका थिए र आज विरोध गर्दै प्रदर्शनमा उत्रिएका हुन् । प्रर्दशनका क्रममा कम्तीमा ६ जना विपक्षी दलका नेता कार्यकर्ता घाइते भएकोमा काङ्गे्रस कार्यकर्ता गणेश केसीको अवस्था गम्भीर भएकाले उपचारका लागि काठमाण्डु रिफर गरिएको छ ।पत्रकारमाथि आक्रमण गरेपछि बसेको पत्रकार महासंघ काभे्र शाखाको आकस्मिक बैठकले एकीकृत माओवादीको समाचार बहिष्कार गर्ने निर्णय गरेको छ भने प्रशासनले पनि पत्रकारको सुरक्षामा चासो नदेखाएको भन्दै आपत्ति जनाएको छ ।
यसैबीच काभे्रमा पत्रकारहरुमाथि भएको घटनाको पे्रस चौतारी नेपालले घोरभत्र्सना गरेको छ । चौतारीका सचिव लक्की चौधरीले विज्ञप्ति निकालेर प्रधानमन्त्री गएको कार्यक्रममा समेत पत्रकारमाथि कुटपिट हुनुले सरकार पत्रकारहरुको शान्ति सुरक्षाप्रति गम्भीर नभएको स्पष्ट भएको भनिएको छ ।

चलचित्र ‘विन्दास’ सफल भएपछि यसको सिक्वेल पनि बन्ने भएको छ । मधुकुमार श्रेष्ठको निर्माणमा तयार भएको चलचित्र ‘विन्दास’ यो बर्षको सफल चलचित्रको सुचिमा पर्दछ । सिनेमाको सफलताले हौसिएका मधुले सिक्वेल बनाउने तयारी गरेका हुन् ।‘विन्दास २’ लाई निर्देशक राजु गिरीले नै निर्देशन गर्ने तयारी गरेका छन् । चलचित्रमा नायिका सुष्मा कार्कीको अभिनय रहने पक्का भएको छ । चलचित्रको सिक्वेलका बारेमा कुरा गर्दै निर्देशक गिरीले भने, ‘विन्दास सिनेमा जहाँ पुगेर टुङ्िगएको थियो, सिक्वेल त्यही बाट सुरु हुन्छ ।’
‘विन्दास’ मा विगि्रएकी सुष्मा ‘विन्दास २’ मा सुध्रने निर्माणपक्षले बताएको छ । तर ‘विन्दास’ मा हत्या गरिएका कलाकार विन्दास २ मा देखिने छैनन् । चलचित्रको छायांकन चाडै नै सुरु गर्ने योजना निर्माणपक्षले बनाएको छ ।onlinekhabar मा खबर छ

समिक्षकको राम्रो साथ नपाएपनि रेश २ ले शुक्रबार र शनिबार ३५ करोडको व्यापार गरेको छ ।शुक्रबार १५.१० करोडको व्यापार गरेको यो सिनेमाले शनिबार १९.७५ करोडको व्यापार गरेका हो । यस्तै रेश २ ले ओभरसिजमा पनि राम्रो सुरुवात गरेको छ । सिनेमाले ओभरसिजमा ७.३५ करोड को व्यापार गरेको हो ।  ३ दिनमा ५० करोडको व्यापार गरेको खण्डमा रेश २ ले १०० करोडको व्यापार सजिलै गर्ने दाबी धेरैको छ । दिपिका पादुकोण, सैफ अलि खान, जोन अब्राइम, ज्याक्लिन, अमिशा पट्टेल, अनिल कपुर लगायतका स्टारहरुले अभिनय गरेको यो सिनेमा सन् २००८ मा तयार भएको रेश को सिक्वेल हो ।

१२ दिन देखि रिले अनशनमा बस्दै आएका चलचित्रकर्मीहरुले आफ्नो आन्दोलनको स्वरुप फेरेका छन् । सोमबार सम्म रिले अनशनमा बसेका चलचित्रकर्मीहरु आज मंगलबारदेखि आमरण अनशनमा बस्ने भएका छन् ।आज  मध्यान्न १२ बजेदेखी ७ जना चलचित्रकर्मीहरु आमरण अनशनमा बस्न लागेका हुन् । आमरण अनशनमा बस्न लागेका चलचित्रकर्मीहरुमा बरिष्ठ कलाकार सुनिल थापा , हेमन्त बुढाथोकी, निर्देशक बिमल पौडेल , अंग्रज केसी, कुमार सिलवाल, निला बस्नेत, सुर्य रेग्मी छन् । २४ घन्टे रिले अनशनमा बस्दा पनि सरकारले मागको कुनै सुनुवाई नगरेपछि चलचित्रकर्मीहरुले आन्दोलनको स्वरुप कडा बनाउन लागेका हुन् ।
यस्तै आज  चलचित्र बिकास बोर्डको परिसरमा नागरिक समाज, नेपाल पत्रकार महासंघलाई समेत निमन्त्रणा गरिएको छ । आइतबारदेखि चलचित्र प्रदर्शनलाई ठप्प पार्ने निर्णयलाई पुनः बिचार गरिएको छ । शुक्रबारदेखि नयाँ सिनेमा प्रदर्शनमा आएकाले एक हप्ता हल बन्द नगर्ने निर्णय गरिएको हो । आउदो शुक्रबारदेखि भने कुनै पनि सिनेमा हलमा प्रदर्शनमा नगर्न चलचित्र संघलाई पत्र काटिएको छ । यस्तै आमरण अनशनका बिषयमा प्रधानमन्त्री कार्यलय र सुचना तथा संचारमन्त्रालयमा समेत पत्र पठाइएको छ ।
यस्तै आन्दोलनमा रहेका केही संस्थाका अध्यक्षहरुले चलचित्र बिकास बोर्डका नव नियुक्त अध्यक्ष धमेन्द्र मरवैता लाई भेटेर सहकार्य गर्ने बचन दिएको बिषयमा संचारमाध्यममा आएको समाचारमा समेत आन्दोलनरत संघसंस्थाले ध्यानाकर्षण भएको बताएका छन् । चलचित्र निर्माता संघका सचिव सुरेश दर्पण पोखरेलले भने, ‘यो बिषयमा पनि सोमबारको बैठकमा कुरा उठेको छ । बाटोमा भेट्दा बोल्नु सामान्य कुरा भएपनि त्यसलाई असामान्य बनाएर हल्ला फैलाइएको प्रति हाम्रो ध्यानाकर्षण भएको छ ।’
उनले नव नियुक्त अध्यक्ष ‘पप्पु’ ले आन्दोलनाई फुटाउनका लागि यस्तो हल्ला फैलाउदै हिडेको आरोप समेत लगाए ।

एकीकृत नेकपा माओवादीका अध्यक्ष पुष्पकमल दाहाल प्रचण्डले माओवादीले दश वर्ष राज्य सत्ता चलाउने बताउनु भएको छ । आन्दोलन गरे पनि चुनावमा गएपनि कांग्रेस एमालेले सत्ता नपाउने प्रचण्डले ठोकुवा गर्नुभयो । एनेकपा माओवादी नवलपरासीको एकताको दोस्रो जिल्ला अधिबेशनको उद्घाटन गर्दै उहाँले  देश नै सिङ्ग माओवादीमय भईसकेको भन्दै  उहाँले जनताको पैmसला  मान्न तयार रहेको बताउनुभयो । जेठमा निर्वाचन गर्न आफूहरु तयार रहेको उहाँले बताउनु भयो । निर्वाचन, संघीयता, संबिधान सभाको केही दलका नेतालाई आतंक रहेको उहाँले दावि गर्नुभयो । पार्टी महाधिवेशनबाट सुधारवादी र निरन्तरता मात्रै सोच्दैनौं त्यसमा छलाङ्ग र गुणात्मक परिवर्तन सोच्ने र त्यो अरुको नक्कल हैन आफ्नै मौलिकपनमा हुने प्रचण्डको दावी छ ।  कार्यक्रममा उपाध्यक्ष एवं प्रधानमन्त्री डा. वावुराम भट्टराईले सत्ता लिन विपक्षीलाई चुनावमा जान चुनौती दिनुभयो । दण्डहीनतलाई प्रसय दिएको भन्दै नेपाल पत्रकार महासंघ नवलपरासीको निर्देशनमा प्रधानमन्त्री बोल्ने कार्यक्रम पत्रकारहरुले भने बहिष्कार गरेका थिए । 

समयमा छपाईको स्वीकृती नपाएपछि यो वर्ष पनि दृष्टिविहिन विद्यार्थीले बेलामा पाठ्यपुस्तक नपाउने पक्का भएको छ । छपाईको स्वीकृतिका लागि मन्त्रीपरिषदमा पठाएकोमा मन्त्रीपरिषदले शिक्षा मन्त्रालयमा पठाएकाले टेण्डर लगायतका सबै प्रक्रिया पूरा गर्दा शैक्षिक सत्र सुरु हुने बेला पाठ्यपुस्तक नपाउने पक्का भएको हो ।मन्त्रालयका सचिवले नै निर्णय गरे टुंग्याए हुने अवस्थामा मन्त्रालयले प्रक्रिया लम्ब्याएको नेपाल नेत्रहीन संघका अध्यक्ष नरबहादुर लिम्बुले जानकारी दिनुभयो । मन्त्रालयले कानून अनुसार जाने भनेकाले त्यस अनुसार जाँदा सार्वजनिक खरिद ऐन अन्तर्गत टेण्डर आव्हान लगायतका प्रक्रिया पूरा गर्नुपर्ने भएकाले समस्या हुने देखिएको उहाँको भनाई छ ।तत्काल छपाईको स्वीकृत नपाए विद्यार्थीलाई यसअघि जस्तै समया पाठ्यपुस्तक पठाउन मुस्किल पर्ने लिम्बुले बताउनुभयो । उहाँका अनुसार माघ मसान्त भित्र छपाईको स्वीकृति पाएर काम शुरु गरेपनि जेठको अन्तिम या असारको पहिलो हप्ता अघि पाठ्यपुस्तक पठाउन सकिने छैन ।तथ्यांक अनुसार नेपालमा रहेका दृष्टिविहिन विद्यार्थी मध्ये ६१ दशमलव ५ प्रतिशतले पाठ्यपुस्तक पाउँदैनन् भने पाउने विद्यार्थी मध्ये ३८ दशमलव ५ प्रतिशतले शैक्षिक सत्र शुरु भएको पाँच महिनापछि मात्रै पाउने गरेका छन् 

रक्षा मन्त्रालयले नेपाली फिल्म बधशालामाथि प्रतिबन्ध लगाउन सूचना तथा सञ्चार मन्त्रालयलाई पत्राचार गरेको छ। रक्षाको आग्रहमा सूचना तथा सञ्चार मन्त्रालयले चलचित्र विकास बोर्डलाई पत्र लेखी बथशाला प्रदर्शनमा रोक लगाउन निर्देशन दिएको हो। बधशालालाई प्रतिबन्ध लगाउने रक्षाको सचिवस्तरीय निर्णयपछि सञ्चार मन्त्रालयले चलचित्र विकास बोर्डलाई पत्रलेखी प्रदर्शन रोक लगाउन अनुरोध गरेको हो।'नेपाली सेनाको पोशाक लगायतका विषयमा सम्बन्धित निकायसँग स्वीकृत समेत नलिइ तयार गरिएको हुँदा चलिचत्र ऐन २०२६ र चलचित्र नियमावली, २०५७ बमोजिम प्रदर्शनको लागि इजाजत प्रदान नगर्न र प्रदान गरिसकेको भए चलचित्र हल लगायतका प्रदर्शन रोक लगाइ दिन', रक्षा मन्त्रालयले सञ्चारलाई लेखेको पत्राचारमा भनिएको छ।माघ ५ गते सञ्चार मन्त्रालयले बोर्डलाई लेखेको पत्रमा भनिएको छ- 'नेपाली सेनाको पोशाक लगाइ छयांकन गरिएको लगायतका विषयमा सम्बन्धित निकायसँग स्वीकृत समेत नलिई तयार गरिएको हुँदा उक्त चलचित्र प्रदर्शनको लागि इजाजतपत्र प्रदान नगर्न र प्रदान गरिसकेको भए चलिचत्र हल लगायतमा प्रदर्शन रोक लगाइ दिनुहुन अनुरोध गरिन्छ।'सेनाको आग्रहमा रक्षा मन्त्रालयले फिल्म प्रदर्शन रोक्न चलखेल गरेकोप्रति निर्माण पक्षले आपत्ति जनाएको छ। 'फिल्लम एउटा सैनिक र एउटा विद्रोहीको मानवीय समवेदना उजागर गर्ने कथा हो', बधशालाका निर्देशक मनोज पण्डितले नागरिकन्युजसँग भने- 'यो राजनीतिकभन्दा पनि आर्टिस्टिक फिल्म हो। हामीले इतिहासको तथ्य उतारिदिएको हो राजनीतिकरण गरेको हैन।'बधशालामा माओवादी द्वन्द्वका समयमा राज्यले दिएका यातनालाई समेट्ने प्रयास गरिएको छ। 'स्क्रिप्ट पास गरेर फिल्म निर्माणको अनुमति दिने सरकारले किन प्रतिबन्ध लगाउन खोज्यो बुझी नसक्नुछ', निर्देशक पण्डतिले भने। नेपाली सेनाले विद्रोहीलाई यातना दिएका दृश्य समेटिएको ट्रेलर रिलिज भए लगत्तै सेनाले त्यसलाई सम्वेदनशील मान्दै फिल्म प्रतिबन्ध लगाउन रक्षालाई लेखेको थियो भनेर www.nagariknews.com मा समाचार छ 

सरकारले चलचित्र विकास बोर्डको अध्यक्षमा धमेन्द्र मरवैतालाई नियुक्त गरेपछि त्यसको विरोधमा चलचित्रकर्मीहरुले थप आन्दोलनका कार्यक्रम सार्वजनिक गरेका छन् । उनीहरुले आजदेखी देशैभरका चलचित्र हलहरु ठप्प पारेका छन् । आफ्ना मागहरु लिएर प्रधानमन्त्रीलाई भेटेको ४ घन्टा बित्न नपाउदै धमेन्द्र मरवैता ‘पप्पु’ लाई बोर्डको नयाँ अध्यक्ष नियुक्त गरिनु धोका भएको ठहर गर्दै उनीहरुले ४ बँुदे माग राखेर आन्दोलनको कार्यक्रम सार्वजनीक गरेका छन् । आन्दोलनका कार्यक्रम अन्तर्गत आजदेखि देशैभरका सम्पूर्ण चलचित्र घर, सुटिङ, पोष्ट प्रोडक्शन पूर्णरुपमा ठप्प पार्ने, बोर्डका नव नियुक्त अध्यक्ष पप्पुलाई बोर्ड प्रवेशमा निषेध गरी सार्वजनिक वहिष्कार गर्ने, जारी रिले अनशनलाई हालकै स्थानमा यथावत राख्ने लगायत रहेका छन् । आन्दोलित चलचित्रकर्मीहरुले आज विहान ११ बजे चलचित्र विकास बोर्ड परिसरमा अन्र्तक्रियाको पनि आयोजना गरेका छन् ।

जिल्ला सम्मेलनको लागि एकीकृत नेकपा माओवादीको नेतृत्व आज बैतडी जादैछ । एकीकृत नेकपा माओवादीका अध्यक्ष पुष्पकमल दाहाल प्रचण्ड, प्रधानमन्त्री तथा उपाध्यक्ष बाबुराम भट्टराई र उपाध्यक्ष नारायणकाजी श्रेष्ठ आज बिहान बैतडी जाने माओवादीले जनाएको छ । प्रधानमन्त्री आउने कार्यक्रम तय भएपछि विपक्षी दलले बैतडी जिल्ला बन्द गराएका छन् । उनीहरुले प्रधानमन्त्रीलाई प्रवेश निषेध धन्दै जिल्ला बन्द गराएको बताएका छन् । सम्भावित झडपलाई मध्यनजर गरि सुरक्षा व्यवस्था कडा पारिएको छ ।

नेकपा एमालेले सरकार विरुद्धको आन्दोलनलाई शसक्त बनाउने तयारीमा लागेको बताएको छ । आन्दोलनमा जनसमर्थन बढाउन आज एमालेले तयारी बैठक पनि बोलाएको छ । जनवर्गिय संगठन, विभिन्न विभाग, उपत्यका तीनवटै कमिटी र सम्पर्क समितिहरुको सयुक्त बैठकमा एमालेका सबैजसो नेताहरुको पनि सहभागिता रहनेछ । विपक्षी दलले गर्ने आन्दोलन त्यसको एमालेको परिचालनका विषयमा बैटकमा छलफल हुने एमाले नेता कृष्णगोपाल श्रेष्ठले जानकारी दिनुभयो । बैठकमा अध्यक्ष झलनाथ खनाल, बरिष्ठ नेता माधवकुमार नेपाल केपी ओली तीनै जनाले सम्वोधन गर्ने कार्यक्रम रहेको छ ।

एकीकृत नेकपा माओवादीले दैलेखका पत्रकारहरुको सुरक्षाको ग्यारेण्टी लिने बताएको छ । एकीकृत माओवादीका प्रवतmा अग्नीप्रसाद सापकोटाले विस्थापित पत्रकारलाई निर्धक्कसंग दैलेख फर्किन आग्रह गर्नुभयो । नियमीत साप्ताहीक पत्रकार भेटघाट कार्यक्रम अन्तरगत पार्टी केन्द्रीय कार्यालय पेरिसडाँडामा संचारकर्मीहरुसँग कुरागर्दे उहाँले पत्रकारहरु राजनीतिक आडमा भन्दा स्वतन्त्र रुपमा आन्दोलन गर्दा उपयुतm हुने बताउनुभयो । थोरै सङख्यामा रहेका बिपक्षी दलका नेता तथा कार्यकर्ताहरुले एकीकृत माओवादीको जिल्ला अधिवेसन बिथोल्न खोज्दा ठाउँ ठाउँमा तनाव उत्पन्न हुने गरेको उहाँले बताउनुभयो । प्रवतmा सापकोटाले जेठको दोश्रो साता सम्ममा निर्वाचन गराउने गरि स्वतन्त्र व्यतिmको नेतृत्वमा सरकार गठन गर्नु नै उपयुतm हुने बताउनुभयो । आउदो माघ २० गते देखि हुने महाधिवेसनको तयारी तिब्र पारिएको बताउदै उहाले आज सम्ममा ५० जिल्लाको अधिवेसन सकिएको जानकारी दिनुभयो ।

एकीकृत नेकपा माओवादीका अध्यक्ष पुष्पकमल दहाल प्रचण्डले दुई चार दिन भित्रमा दलहरुबीच सहमति भएर निकास ननिस्किए जनता विद्रोहमा उत्रने बताउनु भएको छ । एमाओवादी महोत्तरीको  जलेश्वरमा भएको पहिलो जिल्ला अधिबेशन उद्घाटन गर्दै  प्रचण्डले संघियता सहितको संविधान निर्माणको लागि अव माओवादीले हस्तक्षेपकारी भूमिका खेल्ने बताउनु भयो । मधेशवादी पार्टीको जननी पनि माओवादी नै भएको तर्क गर्दै उहाँले अब संघियता सहितको संबिधान निर्माणको लागि मधेशबाट उठ्ने आन्दोलनको अगुवाई पनि माओवादीले नै गर्ने बताउनु भयो । २१ बर्ष अघि २०४८ सालमा भएको पार्टीको महाधिबेशनमा आफैले प्रस्तुत गरेको कार्यदिशाले सिङ्गो देशलाई नै उथलपुथल गर्ने गरी १० बर्षे जनयुद्ध भएर मुलुकमा राजनैतिक परिवर्तन भएको स्मरण गर्दै उहाँले संयोगले यहि माघ २० गतेदेखि हुने महाधिबेशनमा पनि पार्टीको कार्यदिशा प्रस्तुत गर्ने जिम्मा आफ्ने काँधमा आएको बताउनु भयो । अबको महाधिबेशनमा आफूले प्रस्तुत गर्ने कार्य दिशाले मुलुकको आर्थिक विकासको मार्ग पहिल्याउने प्रचण्डको भनाई थियो । कार्यक्रमा एमाओवादीका उपाध्यक्ष समेत रहेका प्रधानमन्त्री डा. बाबुराम भट्टराईले अहिले सरकार र माओवादी विरुद्ध पत्रकारहरुलाई गलत ढंगले प्रयोग गर्ने प्रयत्न भैरहेको बताउनु भयो । प्रधानमन्त्री भट्टराईले पत्रकार र प्रेसको हितमा सरकारले दुई तीन दिन भित्रमै एकीकृत प्याकेज ल्याउने बताउनु भयो । त्यस्तो प्याकेज के हो भन्ने विषयमा भने उहाँले केहि बताउनु भएन |

अर्थमन्त्री वर्षमान पुनले असुरक्षाको कारण देखाउँदै दैलेखका पत्रकारले जिल्ला छाडेकोमा दुःख व्यक्त गर्नु भएको छ । दैलेखका पत्रकारको सुरक्षाको लागि सरकार प्रतिवद्ध रहेको बताउँदै जिल्ला छाडेका पत्रकारलाई जिल्ला फर्केर निर्धक्क काम शुरु गर्न पनि उहाँले आग्रह गर्नुभएको छ ।  एकिकृत नेकपा माओवादी धादिङको दोसं्रो जिल्ला सम्मेलन उद्घाटन गर्न धादिङ आउनुभएको बेला क्रान्तिकारी पत्रकार सघं जिल्ल शाखा धादिङले धादिङवेशिमा आयोजना गरेको पत्रकार भेटघाटमा यस्तो बताउनुभएको हो । उहाँले दुवै पक्ष बसेर छलफल गरी समस्या समाधान गर्न पनि आग्रह गर्नुभयो । एकीकृत नेकपा माओवादी स्थायी समिति सदस्य तथा अर्थमन्त्री बर्षमान पुनले माओवादीको महाधिवेशन अगाडी सहमति हुने संभावना कम भएको बताउनुभएको छ ।

सरकारविरुद्ध आन्दोलनमा रहेका काङ्ग्रेस एमालेलगायत विपक्षी दलका कार्यकर्ताहरूले आज एकीकृत माओवादी अध्यक्ष पुष्पकमल दाहाल र प्रधानमन्त्री डा. बाबुराम भट्टराईलाई भक्तपुर प्रवेशमा रोक लगाउन प्रदर्शन गरेका छन् । अध्यक्ष प्रचण्ड र प्रधानमन्त्री भट्टराई पार्टीको पाँचौ जिल्ला अधिवेशनमा सहभागी हुन भक्तपुर पुग्ने थाहा पाएपछि उनीहरूले अरनिको राजमार्गमा चक्काजाम गर्दै प्रदर्शन गरेका हुन् । विपक्षी दलका कार्यकर्ताहरूले चक्काजाम गरेपछि सडक खुलाउने क्रममा प्रहरीसँग झडप भएको थियो  । अरनिको राजमार्गमा प्रदर्शन भएपछि प्रधानमन्त्री वैकल्पिक बाटो भएर भक्तपुर पुग्नुभएको थियो । स्थानीय प्रशासनले भक्तपुरको सुरक्षा व्यवसथा कडा पारेको जनाएको छ । कालोझण्डा बोकेर बिरोधमा उत्रिएका बिपक्षी दलका र्कायर्कतामाथि प्रहरीले लाठीचार्ज गर्दा तीन जना घाइते भएका छन् । र्दलभ थापा, र्पूण परियार र रोशन पौडेल समान्य घाइते भएका हुन् । तीनै जना कांग्रेस र्कायर्कता भएको बताइएको छ ।
यसैबीच प्रधानमन्त्रीको विरोधमा आज भक्तपुरमा पत्रकारहरूले पनि कालोपट्टी बाँधेर समाचार सङ्कलन गरेका छन् । पत्रकारहरूको सुरक्षास्थिति गम्भिर बन्दै गएको र दैलेखका पत्रकार डेकेन्द्रराज थापाको हत्यामा संलग्नहरूलाई कारवाही नगर्न प्रधानमन्त्रीले आदेश दिएपछि पत्रकारहरूले त्यसको विरोध गर्दै आएका छन् । जिल्ला अधिवेशनको क्रममा एकीकृत माओवादीले भक्तपुरको त्यौमडीमा सभा गरेको थियो ।

भारतले आज आफ्नो ६४ औं गणतन्त्र दिवस मनाउँदै छ । नयाँ दिल्लीको राजपथमा गणतन्त्र दिवसका अवसरमा विशेष समारोहको आयोजना हुँदैछ । विशेष समारोहमा राष्ट्रपति प्रणव मुखर्जीले भारतको झन्डा फहराउनु हुनेछ  । यसैगरी विशेष परेडको कार्यक्रम पनि आयोजना हुँदैछ । परेडमा भारतको सैन्य क्षमता र अरू सांस्कृतिक विविधता प्रस्तुत गरिने कार्यक्रम छ । विशेष परेड समारोहमा भुटानका राजा जिग्मे खेसर नामग्याल वाङचुक प्रमुख अतिथिको रूपमा सहभागी हुनु हुने छ ।
गणतन्त्र दिवसका लागि भारतको राजधानी नयाँ दिल्लीसहित मुख्य सहरहरूको सुरक्षा व्यवस्था कडा पारिएको छ । नयाँ दिल्लीमा मात्रै २५ हजार सुरक्षाकर्मी परिचालन गरिएको भारतीय सन्चार माध्यमहरूले जनाएका छन् । सुरक्षा व्यवस्था प्रभावकारी बनाउनका लागि समारोहस्थल आसपासमा एकसय ५० सीसीटीभी क्यामरा राखिएका छन् । २६ जनवरीकै दिन भारतमा संविधान जारी भएको थियो । सार्वभौमसत्तासम्पन्न, धर्मनिरपेक्ष, समाजवादी लोकतान्त्रिक गणतन्त्र स्थापना भएको दिनलाई भारतलाई गणतन्त्र दिवसको रूपमा मनाउँदै आएको छ ।

आजदेखि स्वस्थानी व्रत सुरु भएको छ । आजैदेखि माघ स्नान गर्ने र अधिकांश हिन्दू नेपालीका घरमा सात्विक भावले श्रद्धभक्तिपूर्वक श्री स्वस्थानी परमेश्वरीको पूजा आरधना गरी स्वस्थानी कथा सुन्ने र सुनाउने गरिन्छ । स्वस्थानी व्रतकथा सत्ययुगमा हिमालयकी पुत्री पार्वतीले महादेव स्वामी पाऊँ भनी बालुवाको शिवलिङ्ग बनाई निराहार रहेर तपस्या गरी मनोकाङ्क्षा पूर्ण भएको कथासँग जोडिएको छ । शिव पार्वतीको विवाह भइसकेपछि लोकल्याणका निम्ति परम्परागत रूपमा व्रतवकथा प्रचलित हुँदै आएको मानिन्छ । सुख, सन्तोष उन्नति तथा परामार्थमा शिवलोक पाउने कामनाका साथ जगदीश्वर महादेवको स्तुति एवम् भक्तिपूर्वक पौष शुक्ल पूर्णिमादेखि सुरु गरिने श्री स्वस्थानी परमेश्वरीको व्रत, पूजन, तथा कथा श्रवण गर्ने क्रम माघ शुक्ल पूर्णिमासम्म एक महिना जारी रहन्छ ।

विपक्षी दलले प्रधानमन्त्री डा बाबुराम भट्टराईलाई दैलेख जिल्ला प्रवेशमा रोक लगाउन आज जिल्ला बन्द गराएका छन् । ७ विपक्षी दलले आज दिउँसो २ बजेदेखि ४ बजे सम्मका लागि यातायात र दिनभर सदरमुकाम बन्द गरि प्रदर्शन गर्ने बताएका छन् । ठाउँ ठाउँमा रुख ढालेर सदरमुकाम आउने चारैतिरका नाका बन्द गराएका छन् । एमालेका जिल्ला अध्यक्ष अम्मरबहादुर थापाले प्रधानमन्त्रीले जबरजस्ती प्रवेश गर्न खाजे सयुक्त अवरोध गर्ने  जानकारी दिनुभयो । त्यस्तै एकीकृत नेकपा माओवादीले पनि विपक्षीको आन्दोलनलाई मध्यनजर गरि कार्यकर्ता जिल्ला पुर्याएको छ । छिमेकी जिल्लाबाट समेत नेताहरुको सुरक्षाका लागि भन्दै सयौ कार्यकर्ता दैलेख पुगेको एकीकृत माओवादीले जनाएको छ । जिल्ला सम्मेलन उद्घाटनका लागि आजप्रधानमन्त्री भट्टराईका साथै एकीकृत माओवादी अध्यक्ष पुष्पकमल दाहाल प्रचण्ड , उपप्रधानमन्त्री एवं उपाध्यक्ष नारायणकाजी श्रेष्ठ लगायतका नेताहरु दैलेख पुग्ने कार्यक्रम रहेको छ । दुईपक्षबीच झडप हुनसक्ने भन्दै स्थानिय प्रशासनले पनि सुरक्षा कडा पारेको छ ।विपक्षीले बुधबार बिहानै सदरमुकामका सबै घरमा कालोझन्डा राख्ने तयारीसमेत गरेका छन् । बजारको सुरु भाग ततांगदेखि बजारको अन्तिम भाग एमाओवादीको जिल्ला सम्मेलन उद्घाटनस्थल काँडाचौरसम्म कालोझन्डा राखिने एमाले जिल्ला अध्यक्ष अमर थापाले जानकारी दिए ।
सम्मेलनस्थलसम्म कालोझन्डा राख्ने घोषणापछि एमाओवादी र विपक्षी दलका कार्यकर्ताबीच झडपको सम्भावना बढेको छ । झडप हुने सम्भावना र त्यसबाट हुन सक्ने खतरा देखेपछि शान्तिसुरक्षाका लागि प्रहरीले सदरमुकाममा सुरक्षाव्यवस्था कडा बनाएको छ । सुर्खेतबाट सुरक्षाका लागि सशस्त्र १ सय ५० र जनपद प्रहरी १ सय १० आइसकेका छन् ।
प्रधानमन्त्रीको विरोधमा विपक्षीले  ‘जनसभा’ पनि गर्ने भएका छन् । एमाओवादीको जिल्ला सम्मेलन काँडाचौरमा हुँदै छ भने विपक्षीले टँुडिखेलमा जनसभा गर्ने तयारी गरेका हुन् । बिहान घरघरमा कालोझन्डा राख्ने र नाराजुलुससहित बजार परिक्रमापछि टुँडिखेलमा जनसभा गर्ने तयारी गरिएको राष्ट्रिय जनमोर्चाका जिल्ला अध्यक्ष मयाराम अधिकारीले बताए ।
त्यस्तै विपक्षीले एमाओवादीको जिल्ला सम्मेलन उद्घाटन समारोह कार्यक्रम बहिष्कार गर्ने भएका छन्